Bakı/27.05.18/Turan: Azərbaycan Respublikasının, İran İslam Respublikasının, Qazaxıstan Respublikasının, Rusiya Federasiyasının və Türkmənistanın nümayəndə heyətləri mayın 28-29-da Tehranda Xəzər dənizində dənizçiliyin təhlükəsizliyinin təmin edilməsi üzrə əməkdaşlığı müzakirə edəcəklər. Bu barədə İRNA məlumat yayıb.
İranın Limanlar və Gəmiçilik Təşkilatının rəhbəri Əli Əkbər Mərzban bazar günü bildirib ki, dənizçiliyin təhlükəsizliyinin təmin edilməsi, dənizdə axtarış və xilasetmə məsələlərində qarşılıqlı yardım mexanizmləri və gəmilərə nəzarət üçün hüquqi imkanlardan istifadə məsələləri iclasın gündəliyinə daxil ediləcək.
O əlavə edib ki, İran İslam Respublikası təhlükəsizliyin və ekoloji cəhətdən təmiz dəniz mühitinin təmin edilməsində konstruktiv rol oynayır.
"Dəniz qəzaları və regional əməkdaşlığın həyata keçirilməsi zərurəti son 2 il ərzində çoxtərəfli sazişlər formatında baxılan məsələlərə aiddir", deyən Mərzban əlavə edib ki, növbəti görüşləri keçirmək planlaşdırılır, qarşılıqlı anlaşma memorandumları isə Xəzəryanı dövlətlər tərəfindən imzalanmalıdır.
İRNA xatırladır ki, Azərbaycan Respublikası, İran, Qazaxıstan, Rusiya Federasiyası və Türkmənistanın iştirakı ilə dəniz təhlükəsizliyinin təmin edilməsi üzrə ikinci iclas Aşqabadda keçirilib. -0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz