Tofiq Zülfüqarov: �RF XİN Bako Saakyanın Rusiyaya səfərilə bağlı formal olaraq haqlıdır�

Bakı/30.11.18/Turan: Azərbaycanın keçmiş xarici işlər naziri Tofiq Zülfüqarov RF XİN mətbuat katibi M.Zaxarovanın Azərbaycan XİN-in etirazına cavab bəyanatını formal olaraq düzgün və hüququ normalara uyğun adlandırıb. Azərbaycan XİN qondarma DQR rəhbəri Bako Saakyanın Rusiyaya səfərinin əleyhinə bəyanatla çıxış edib.

M.Zaxarova RF XİN-in mövqeyini ifadə edib, bu mövqeyə görə, beynəlxalq hüququ pozmayıb, Azərbaycan XİN-in iddiaları isə əsassızdır.

Azərbaycan XİN-dən etiraz notaları Saakyanın getdiyi Fransa və ABŞ-dakı həmkarlara da göndərilib.

"Xanım Zaxarova formal olaraq haqlıdır, belə ki, Ermənistan vətəndaşı Bako Saakyan Azərbaycan Respublikasının qanunlarını pozan şəxs deyil (ona qarşı cinayət işi qaldırılmayıb) baxmayaraq ki, bizim ölkənin suverenliyinə və ərazi bütövlüyünə yönələn fəaliyyət həyata keçirir. Biz Fransaya, ABŞ-a, RF-ə necə iddia irəli sürə bilərik, əgər özümüz onu günahsız hesab edirik, baxmayaraq ki, Saakyanın "fəaliyyəti" bizim qanunlara və Konstitusiyaya ziddir. Onu "separatçıların liderli" adlandırmaqla bu marionetkaya, bizim işğal edilmiş torpaqlarımızın erməni "qaulyayter"inə əlaqədar tərəf statusu vermiş oluruq", - T.Zülfüqarov sosial şəbəkədə paylaşıb.

O əlavə edib ki, Rusiya Azərbaycanın qanunlarını pozmayıb. Çünki bizim ölkədə Saakyanın hərəkətlərinə hüquqi qiymət verilməyib. "Niyə RF erməni vətəndaş Bako Saakyanı təcavüzkar hesab etməlidir, əgər bizim Milli Məclis otuz il ərzində Ermənistanın təcavüzü barədə qanun qəbul etməyibsə?", - T.Zülfüqarov sual edib. O əlavə edib ki, deputatların antiseparatçı bəyanatları hüququ akt hesab olunmur.

Bundan əlavə, Milli Məclis Ermənistanın Azərbaycana qarşı təcavüzü haqda hüquqi aktlar qəbul etməyib.

Xatırladaq ki, siyasi müxalifətin və Azərbaycan parlamentinin bəzi deputatlarının çağırışlarına baxmayaraq, icra hakimiyyəti deputatlara Ermənistan tərəfindən işğal və təcavüz haqda qanunları müzakirə və qəbul etməyə izazə vermir. Hətta işğal problemi üzrə deputat qrupu da yoxdur ki, təklif və tövsiyələr hazırlayaraq irəli sürsün.

Azərbaycanda Qarabağ problemi ilə bağlı qərarların müzakirəsi və qəbulu icra hakimiyyətinin müstəsna preroqatividir və Qarabağ üzrə diskursun hətta bir hissəsinin belə qanunvericilik hakimiyyətinə keçməsinə yol vermir.

Bundan öncə Azərbaycan XİN mətbuat xidməti Qarabağ separatçılarının liderinin Rusiyaya səfərinin ölkənin Qarabağ nizamlanmasındakı vasitəçilik missiyasına zidd olmaması barədə RF XİN mətbuat xidmətinin rəhbəri Mariya Zaxarovanın bəyanatını təkzib etmişdi. Azərbaycan XİN Azərbaycan Respublikası və Rusiya Federasiyası arasında dostluq, əməkdaşlıq və qarşılıqlı təhlükəsizlik haqqında 1997-ci il tarixli müqavilənin 5-ci maddəsinə istinad edir: "Tərəflər separatçı hərəkatları dəstəkləməməyi öhdəlik olaraq götürür, həmçinin digər tərəfin dövlət suverenliyinə, müstəqilliyinə və ərazi bütövlüyünə qarşı yönələn ayrı-ayrı şəxslərin fəaliyyətini qadağan edir və qarşını alır". Həmçinin Azərbaycan XİN RF sərhəd xidmətinin gələn xaricilərin pasportlarının etibarlılığının yoxlanması öhdəliyini xatırladır. Qarabağ xadimləri beynəlxalq sərhədləri keçərkən Ermənistan Respublikasının pasportunu təqdim edirlər.-0--