Tomas Melia: Dövlət Departamentinin nümayəndə heyətinin qəbul edilməməsi Azərbaycandakı atmosferdən xəbər verir

“ABŞ bu həftə Bakıya səfər etməyi planlaşdıran nümayəndə heyətimizin tərkibi ilə bağlı Azərbaycan hakimiyyətinin etirazı olmasından təəssüf edir. Bu səbəbdən səfər baş tutmayacaq”. Bu barədə Tbilisidə mətbuat konfransında ABŞ dövlət katibinin müavininin köməkçisi Tomas Melia Reuter agentliyinin nümayəndə heyətinin Bakıya səfərinin ləğv edilməsi səbəbləri haqqında sualına cavabda bildirib.

“Azərbaycan hökumətinin nümayəndə heyətimizi buraxmamaq qərarı 9 oktyabr prezident seçkiləri öncəsi atmosfer haqqında suallar yaradır. Bununla belə, biz ölkə hakimiyyətini xalqın iradəsini əks etdirəcək azad və ədalətli seçkilər keçirməyə çağırırıq”, deyə Melia sözünə davam edib.

“Biz həmçinin Azərbaycan hakimiyyətini prezident seçkilərinə qədər, seçkilər zamanı və onlardan sonra toplaşmaq, birləşmək və söz azadlıqlarına hörmət etməyə, qanunun aliliyinə riayət etməyə çağırırıq. Biz həmçinin seçkilərdə yerli və beynəlxalq müşahidəçilərin mühüm işini təmin etməyə çağırırıq”, deyə Tomas Melia qeyd edib. -25D-