"Toplum TV işi" üzrə daha üç müttəhimin həbs müddəti uzadılıb
"Toplum TV işi" üzrə daha üç müttəhimin həbs müddəti uzadılıb
İyulun 4-də Xətai Rayon Məhkəməsi "Toplum TV işi" üzrə daha üç müttəhimin ilkin həbs müddətinin üç ay- oktyabrın 6-dək uzadılması ilə bağlı istintaqın vəsatət və təqdimatına baxıb.
Məhkəmə bu iş üzrə həbs edilmiş Akif Qurbanovun (Demokratik Təşəbbüslər İnstitutunun və Üçüncü Respublika Platformasının rəhbəri), Ruslan İzzətlinin (Demokratik Təşəbbüslər İnstitutunun fəalı və Üçüncü Respublika Platforması İdarə Heyətinin üzvü) və Müşfiq Cabbarın (“Toplum TV”nin jurnalisti) həbs müddətini uzadıb.
Bu barədə Turan-a onların vəkilləri bildiriblər. Onlar məhkəmənin qərarlarını əsassız hesab ediblər və apellyasiya şikayəti vermək niyyətindədirlər.
Bu iş üzrə keçən digər 4 nəfərin – Ələsgər Məmmədli, Əli Zeynal, İlkin Əmrahov və Ramil Babayevin həbs müddəti ötən gün 3 ay uzadılıb.
*Martın 6-8-də “Toplum” TV və onun tərəfdaş təşkilatı Demokratik Təşəbbüslər İnstitutunun 9 əməkdaşı saxlanılıb. Onlar qarşı xarici valyuta qaçaqmalçılığında ittiham olunublar. Yeddi nəfər həbs edilib, iki nəfər polis nəzarətinə verilib.
Hüquq müdafiəçiləri bu iş üzrə təqsirləndirilən şəxsləri siyasi məhbuslar kimi tanıyıblar, beynəlxalq təşkilatlar onları azad etməyə çağırıblar.
-
- Qafqaz
- 4 İyul 2024 13:01
Siyasət
-
Şuşada Türk Dövlətləri Təşkilatına üzv ölkələrin liderlərinin Şuşada keçirilən qeyri-rəsmi sammiti Qarabağ bəyannaməsinin imzalanması ilə başa çatıb.
-
Qazaxıstan Prezidenti Kassym-Jomart Tokayev Şuşada, Türkdilli Dövlətlərin Əməkdaşlıq Şurasının qeyri-formal zirvə toplantısında, "Nəqliyyat, kommunikasiya və iqlim fəaliyyəti vasitəsilə dayanıqlı gələcək qurmaq" mövzusunun üzv ölkələrin ümumi maraqlarına xidmət etdiyini vurğuladı. Tokayev, bu görüşün Türkdilli xalqların rifahını artırmaq, yeni inkişaf sahələri kəşf etmək, qardaşlıq əlaqələrini gücləndirmək və regional sabitliyi təmin etmək məqsədi daşıdığını bildirdi.
-
Prezident İlham Əliyev, Türk Dövlətləri Təşkilatının qeyri-rəsmi sammitinin iştirakçılarını səmimi qarşılayaraq, bu tarixi Şuşa şəhərində keçirilən tədbirin əhəmiyyətini vurğuladı. "Hamınızı ürəkdən salamlayıram," dedi Əliyev. "Azərbaycan, Qarabağa xoş gəlmisiniz."
-
Qazaxıstan Azərbaycan və Ermənistan arasında sülh danışıqlarının keçirilməsi üçün platforma təklif etməyə hazırdır. Bu barədə bu gün Qazaxıstan prezidenti Kasım-Jomart Tokayev Şuşada Türk Dövlətləri Təşkilatına üzv dövlət başçılarının qeyri-rəsmi sammitində çıxışı zamanı bildirib.
Rəy yaz