Toplum TV öz fəaliyyətini davam etdirəcək - Xədicə İsmayıl
Toplum TV internet nəşrinin üç əməkdaşına qarşı Azərbaycan CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə cinayət işi açılıb, bu barədə Turan-a bu KİV-in baş redaktoru Xədicə İsmayıl bildirib.
Xüsusən, videoredaktor Müşfiq Cabbar, sosial şəbəkələr üzrə menecer Elmir Abbasov və müxbir Fərid İsmayılov cinayət məsuliyyətinə cəlb edilib və saxlanılıb.
Bununla belə, Toplum TV fəaliyyətini davam etdirəcək, deyə Xədicə İsmayıl qeyd edib.
"Hazırda istintaq orqanı ofisimizin qapılarına möhür vurub. İstintaqın iradəsindən asılı olmayaraq, biz Toplum TV-nin fəaliyyətini davam etdirəcəyik. İndi keçid planı üzərində işləyirik və işin davam etdirilməsini təmin etmək niyyətindəyik, bu, çox vacibdir", deyə o, qeyd edib.
Toplum TV-nin fəaliyyətinin bərpa edilməsi faktiki olaraq sıfırdan başlamaq deməkdir. "Avadanlığın qaytarılması və ofisin açılması üçün hüquqi addımlar atacağıq", deyə İsmayıl sözünə davam edib.
O, həmçinin qeyd edib ki, Toplum TV-nin avadanlığı götürüldükdən sonra ilk iş olaraq nəşrin YouTube kanalının adı dəyişdirilib və videomateriallar arxivi silinib, deyə baş redaktor bildirib.
Qeyd edək ki, Toplum TV-nin hesabından bir neçə saat ərzində 3600 videomaterial silinib.
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz