Sergei Lavrov.
Tovuzda iyul döyüşlərinə Ermənistan səbəb olub – RF XİN başçısı
Bakı/21.08.20/Turan: 12-16 iyul tarixlərində Ermənistan və Azərbaycan arasında sərhəd münaqişəsi 2016-cı ilin aprelindən sonra ikinci ən geniş miqyaslı münaqişə olub. Son 26 il ərzində ilk dəfə olaraq artilleriya, minaatan və zərbəçi pilotsuz uçan aparatlardan istifadə edilən döyüşlər Qarabağda deyil, iki ölkə arasındakı dövlət sərhədində baş verib. Bu barədə Moskvanın “Trud” (“Əmək”) qəzetinə müsahibəsində RF XİN başçısı Sergey Lavrov bildirib.
Gərginliyin səbəbinə toxunan Lavrov qeyd edib ki, “Ermənistan tərəfin Azərbaycanın ixrac boru kəmərlərindən 15 km məsafədə yerləşən köhnə sərhəd nəzarət-buraxılış məntəqəsini bərpa etmək qərarı bəzilərinin narahatlığının artmasına, digərlərinin əsassız cavab reaksiyasına səbəb oldu və nəticədə təxminolunmaz nəticələri ola biləcək qarşıdurmaya gətirib çıxardı”, deyə o qeyd edib.
Vəziyyəti sabitləşdirmək üçün bu il iyulun 13-də Rusiya XİN tərəflərə dərhal atəşi kəsmək çağırışı ilə müraciət edib. ATƏT MQ-nin Rusiyalı həmsədri Popov hər iki ölkənin XİN rəhbərliyi ilə birbaşa əlaqə saxlayıb. Nəticədə, ilk cəhddə olmasa da, iyulun 16-da atəşkəs rejiminə keçilib.
“Dağlıq Qarabağ nizamlanması üzrə danışıqlar prosesinin ən qısa müddətdə bərpa ediləcəyinə ümid edirik. ATƏT-in Minsk Qrupundan olan tərəfdaşlarımızla birlikdə bunun üzərində işləyirik”, deyə Lavrov bildirib.
Lavrovun etirafını sensasiya hesab etmək olar, belə ki, indiyədək Ermənistan tərəfi Azərbaycanın erməni mövqelərinə hücum etdiyini iddia edirdi. Bundan başqa, ermənilər sadəcə olaraq məntəqə qurmaq istəmirdilər, həm də Azərbaycan tərəfin hərəkətlərinə qeyri-adekvat reaksiya veriblər.
Məlumatlı hərbi mənbələrə görə, ermənilər irəliləyərək, Azərbaycan tərəfin boş postlarından birini tutublar. Azərbaycan hərbiçiləri bu posta yaxınlaşarkən ermənilər onların UAZ avtomobilinə atəş açıb, bir neçə hərbiçini öldürüb. Genişmiqyaslı döyüşlərin başlamasına məhz bu səbəb olub. -02D-
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz