Transparency International Arif və Leyla Yunusu dərhal azad etməyə çağırır
Transparency İnternational beynəlxalq korrupsiyaya qarşı mübarizə təşkilatı Azərbaycanın məşhur hüquq müdafiəçisi Leyla Yunus və onun həyat yoldaşı Arif Yunusu dərhal azad etməyə çağırıb.
Təşkilatın bəyanatında deyilir ki, beynəlxalq müşahidəçilər Bakıda “siyasi xarakter daşıyan” məhkəmə prosesi davam edərkən Leyla və Arifin vəziyyətinin ciddi şəkildə pisləşdiyini qeyd edir.
Leyla diabet, böyrək çatışmazlığından əziyyət çəkir və ciddi qaraciyər xəstəliyi var. Lakin hakimiyyət onu adekvat müalicə göstərilməsi üçün xəstəxanaya yerləşdirməyə imkan vermir. Buna görə onun vəziyyəti kəskin şəkildə pisləşib.
Onun həyat yoldaşı hipertoniyadan əziyət çəkir.
“Transparency International hesab edir ki, beynəlxalq standartlara cavab verən ədalətli məhkəmə üçün şərait olmaması fonunda onlar hər ikisi humanitar səbəblərdən azad edilməlidir”, deyə bəyanatda qeyd edilir.
Avropa və Mərkəzi Asiya üzrə regional direktor Ann Koç bununla əlaqədar bildirib:
“Hökumət Avropa İnsan Hüquqları Konvensiyasına sadiqliyini nümayiş etdirməli və Leyla və Arif Yunusu dərhal azad etməlidir”. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz