Tsipras və Oytun TAP boru kəməri ilə qaz nəqli məsələsini müzakirə ediblər

Moskva/08.12.18/Turan: Cümə günü Yunanıstan baş nazirin Aleksis Tsipras Moskvaya səfəri zamanı RF prezidenti Vladimir Putin tərəfindən qəbul edilib.

Müzakirə olunan mövzulardan biri Rusiya qazının Yunanıstan vasitəsilə Avropaya nəqli məsələsi olub. Xəbəri "Kommersant" qəzeti yayıb.

Səfərin yekunlarına həsr edilmiş mətbuat konfransında Yunanıstanın Rusiya qazının Avropaya nəqli üçün tranzit ölkəsi olub olmayacağı haqqında suala cavabda baş nazir bildirib ki, Azərbaycandan Avropaya Yunanıstandan keçən qaz kəmərinin 80%-i tikilib. "Rusiya qazının nəqli üçün ondan necə istifadə edilə biləcəyini düşünmək olar", deyə Tsipras bildirib.

"Kommersant"ın iddiasına görə, Tsipras Putinlə söhbətin mahiyyətini bir qədər təhrif edib. Qəzetin versiyasına görə, Putin deyib ki, "faktiki olaraq Yunanıstandan İtaliyaya qaz kəməri tikilib, amma orada qaz yoxdur... onun necə doldurula biləcəyini düşünmək olar...".

Qəzetin videosuna görə, Putin öz "Türk axını" qaz kəmərini təşviq edir, oradan qaz Avropaya keçə bilər, amma Yunanıstanın razılığı ilə.

Qeyd edək ki, TAP Azərbaycandan qazın Yunanıstan, Bolqarıstan, İtaliya və digər Avropa ölkələrinə gedə biləcəyi Cənub Qaz Dəhlizinin bir hissəsidir.

-02D-