Ukrayna prezidenti səlahiyyətlərini icra edən Ali Radanın sədri Aleksandr Turçinov bildirib ki, Ukraynanın şərqində son hadisələr Rusiyanın sabitliyin pozulması üzrə xüsusi əməliyyatının ikinci dalğasının başlanğıcıdır.
“Dünən RF-nin Ukraynaya qarşı xüsusi əməliyyatının ikinci dalğası başladı, onun məqsədi sabitliyi pozmaq, Ukrayna hakimiyyətini devirmək, seçkiləri pozmaq və ölkəmizi parçalara ayırmaqdır”, deyə Turçinkov “Rada” telekanalı ilə yayınlanan müraciətdə bildirib.
Turçinov xatırladıb ki, Rusiya xüsusi xidmətlərinin əlaqələndirdiyi “separatçı qruplar” ötən gecə Xarkovda dövlət administrasiyasının binasını və Donetskdə təhlükəsizlik xidmətinin və dövlət administrasiyasının binasını, habelə Luqanskda TX-nin binasını ələ keçiriblər.
Onun sözlərinə görə, bu insanlar əllərinə silah alıblar və bütün bunlar Ukrayna sərhədində rus qoşunlarının iştirakı fonunda baş verir. -02D-
Siyasət
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
-
Noyabrın 22-də Ermənistanın baş naziri Nikol Paşinyan İctimai TV-yə müsahibəsində Azərbaycanla sülh müqaviləsi üzrə danışıqlara toxunub.
Rəy yaz