Türk dövlətlərinin bayraqları
Bakı/21.10.22/Turan: Türk dövlətlərinin dil birliyi və ortaq əlifbaya keçid prosesini sürətləndirmək məqsədilə vahid əlifbanın yaradılması üzrə komissiya yaradılıb.
“Anadolu” bildirib ki, vahid əlifbanın yaradılması üzrə komissiyanın yaradılması barədə qərar Türkiyənin Bursa şəhərində keçirilən və Dil Gününün 90 illiyinə həsr olunan “Türk dünyasının ortaq əlifbası seminarı”nda baxılmaq üçün Türk Dövlətləri Təşkilatına təqdim edilib.
Seminara Türk Dil Qurumunun rəhbəri Gürer Gülsevin sədrliyilə keçirilib.
Seminarda türk dövlətlərindən olan alimlər öz ölkələrində baş verən əlifba və tarixi dil prosesləri haqqında məlumat veriblər, vahid əlifbaya keçid prosesinin sürətləndirilməsinin və oun türk dövlətləri arasında yayılmasının vacibliyini qeyd ediblər. Seminar çərçivəsində Türk Dövlətləri Təşkilatı yanında “Vahid əlifbanın yaradılması üzrə komissiya”nın formalaşması qərara alınıb.
Komissiyaya türk dövlətlərində dil siyasətilə məşğul olan hər rəsmi strukturdan iki üzv daxil olacaq.
Komissiya vahid əlifba haqda məruzəni Türk Dövlətləri Təşkilatı Ağsaqqallar Şurasına təqdim etməlidir.
Vahid əlifbanın yaradılması üzrə komissiyanın ilk iclası Qırğızıstanda keçiriləcək.
Seminarda Atatürk Mədəniyyət, Dil və Tarix Yüksək Qurumunun rəhbəri, professor, doktor Məhəmməd Həkimoğlu və Türk Dövlətləri Təşkilatı Ağsaqqallar Şurasının Azərbaycandan üzvü Həsən Həsənov iştirak ediblər.—0—
Siyasət
-
Livanın Səhiyyə Nazirliyinin məlumatına görə, İsrailin ən az 52 nəfərin həlak olması ilə nəticələnən aviazərbələrindən sonra Livanın şimal-şərqində xilasedicilər sağ qalanları tapmağa tələsirlər. Cümə günü axşam endirilən zərbələr Livanın Bekaa vadisini hədəf alıb, bu da təxliyəyə səbəb olub və bir neçə binanı xarabalığa çevirib, bu bölgə üzərində tüstü görünür.
-
"Abzas Media işi" üzrə həbs edilən bütün şəxslərin müdafiə hüququ pozulur və cinayət işinin içərisində olan video materialların surətləri qanunsuz olaraq müdafiə tərəfinə təqdim edilmir. Bu barədə Abzas Media-nın baş redaktoru Sevinc Vaqifqızının hüquqlarını müdafiə edən vəkil Elçin Sadıqov bildirib.
-
Oktyabrın sonlarında Ukraynanın Baş Kəşfiyyat İdarəsi (GUR) Rusiya tərəfindən Ukraynaya yaxın ərazilərə 7,000-dən çox Şimali Koreya əsgərinin yerləşdirildiyini bildirdi. Bu əsgərlər ən azı 28 hərbi uçuş vasitəsilə gətirilib. Ukrayna mənbələrinə görə, bu Şimali Koreya Xalq Demokratik Respublikası (ŞKXDR) əsgərləri Rusiya tərəfindən təmin edilən 60 mm-lik minaatanlar, AK-12 avtomatları, PKK/PKM pulemyotları, SVD snayper tüfəngləri, "Feniks" tank əleyhinə raketləri və RPG-7 əl qumbarasıatıcıları ilə təchiz olunublar. Onlara eyni zamanda gecə görmə cihazları, termal görüntüləyicilər və digər xüsusi avadanlıqlar da verilib.
-
İranın Ali Milli Təhlükəsizlik Şurası İsrailə cavab zərbəsi endirilməsi haqqında qərar qəbul edib, xəbəri şura üzvü Esmail Kosari verib.
Rəy yaz