Türk Şurası koronavirus mövzusunu müzakirə etdi

Bakı/11.04.20/Turan: Aprelin 10-da Azərbaycan Prezidenti İlham Əliyevin təşəbbüsü ilə koronavirus pandemiyası ilə mübarizə mövzusunda video konfrans vasitəsilə Türk Şurasının fövqəladə Zirvəsi keçirildi.

 Şura üzvləri - Qazaxıstan, Qırğızıstan, Türkiyə, Özbəkistan, eləcə də müşahidəçi ölkələr - Macarıstan və Türkmənistanın dövlət və hökumət başçıları qörüşdə iştrak ediblər.

Ümumdünya Səhiyyə Təşkilatının baş direktoru Tedros Adhanom Qebreyesu da virtual sammitə qatıldı.

Tərəflər vəziyyət və koronavirusla mübarizə barədə bir-birlərini məlumatlandıraraq, təcrübələrini bölüşüb, gələcək tədbirlər barədə razılığa gəldilər.

ÜST-nin baş katibi qeyd etdi ki, “Milli strategiyalar 5 əsas sahədə beynəlxalq səviyyədə dəstəklənməlidir. Biz bu 5 sahəyə birinci dərəcəli əhəmiyyət veririk. Birincisi, adekvat münasibət bildirmək üçün biz potensialı artırmağı çox istəyirik. İkincisi, epidemioloji təhlili və risklər haqqında informasiyanı təmin etmək lazımdır. Daha sonra qlobal təchizatın əlaqələndirilməsi təmin edilməlidir. Növbəti məqam texniki və ekspert köməyi təqdim edilməsi, hər yerdə tibbi qüvvələrin səfərbər olunması və toplanmış biliklərin mübadiləsinin fəallaşdırılması ilə bağlıdır."

 “Bizim strateji planımız var. Yaxın günlərdə onu dərc edəcəyik”, Qebreyesu geyd elədi.—0--