Açiq mənbələrdən foto.
Bakı/04.01.22/Turan: Türkiyənin Pegasus aviaşirkəti İstanbul - Yerevan - İstanbul reyslərinin yerinə yetirilməsinə icazə almaq üçün Ermənistan Mülki Aviasiya Komitəsinə müraciət edib. Bu barədə çərşənbə axşamı Ərazi İnkişafı və İnfrastruktur Nazirliyinin mətbuat katibi Sona Arutyunyan bildirib.
"Pegasus fevral ayından başlayaraq həftədə iki reys yerinə yetirmək üçün müraciət edib", - o, TASS agentliyinə bildirib.
Mülki Aviasiya Komitəsi ərizəyə baxmağa başlayıb və ağlabatan müddətdə qərar qəbul edəcək.
Bundan öncə Flyone Armenia aviaşirkəti Yerevan - İstanbul - Yerevan çarter reyslərinin həyata keçirilməsi üçün yerli aviasiya hakimiyyətlərinin icazəsini alıb və Türkiyə tərəfinin analoji qərarını gözləyir.
Dekabrın 6-da Türkiyənin xarici işlər naziri Mövlud Çavuşoğlu bildirib ki, Ankara ölkələr arasında reyslərin yerinə yetirilməsilə bağlı Türkiyə və Ermənistan aviaşirkətlərinin müraciətlərinə baxır. Dekabrın ortalarında Ankara və Yerevan ikitərəfli münasibətlərin normallaşdırılması üzrə xüsusi nümayəndələrin təyin edilməsi barədə məlumat veriblər. Bundan əlavə, Ermənistan hökuməti 1 yanvar 2022-ci ildən Türkiyə mallarının idxalına qoyulan qadağanı uzatmamaq qərarına gəlib. Qeyd edək ki, qadağa 2020-ci il dekabrın sonlarında tətbiq edilmişdi. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz