Bakı/12.06.19/Turan: İyunun 12-də Qəbələ şəhərində (Bakıdan 210 km. qərbdə) Azərbaycan, Türkiyə və Gürcüstan müdafiə nazirlərinin görüşü keçirilib.
Rəsmi məlumata görə, Zakir Həsənov, Hulusi Akar və Levan İzoriya regiondakı vəziyyəti, əməkdaşlıq və regional infrastrukturun təhlükəsizliyinin təmin edilməsi məsələlərini müzakirə ediblər.
Tərəflər həmçinin hərbi sahədə üçtərəfli əməkdaşlığın perspektivlərini müzakirə ediblər.
Görüşün yekunlarına görə protokol imzalanıb və mətbuat üçün bəyanat verilib.
"Görüş həm ölkələrimiz, həm də bütünlükdə region üçün faydalıdır. Sabitliyin, sülh və təhlükəsizliyin təmin edilməsi üçün əlimizdən gələni etməyə davam edirik", deyə Türkiyənin müdafiə naziri Akar bildirib.
O qeyd edib ki, Türkiyə, Azərbaycan və Gürcüstan arasında münasibətlər strateji tərəfdaşlıq səviyyəsinə keçib. -02D-
Siyasət
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
-
Azərbaycan "Sputnik-Azərbaycan" və BBC News Azərbaycanca redaksiyalarının işini məhdudlaşdıracaq. Bu barədə fevralın 13-də hökumətyönlü KİV məlumatlı mənbəyə istinadən bildirib.
Rəy yaz