![Türkiyə prezidenti Bakıya gəldi. Anadolu](https://turan.az/resized/media/2020/main/120900035289-750-500-resize.webp)
Türkiyə prezidenti Bakıya gəldi. Anadolu
Türkiyə Prezidenti Azərbaycana ikigünlük səfərə gəlib (YENİLƏNİB)
Bakıda Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın birgə şam yeməyi olmuşdur.
Şam yeməyi Türkiyə prezidentinin xanımı Əminə Ərdoğan və Azərbaycanın birinci xanımı Mehriban Əliyevanın iştirakı ilə keçirilib.
* * *
2020 Dekabr 09 (Çərşənbə) 20:54:59
Türkiyə Prezidenti Azərbaycana ikigünlük səfərə gəlib
Bakı/09.12.20/Turan: Türkiyə prezidenti Rəcəb Tayyib Ərdoğan Azərbaycana ikigünlük səfərə gəlib.
Türkiyə dövlətinin başçısını gətirən təyyarə Moskva vaxtı ilə saat 16.20-də Bakıya enib.
Heydər Əliyev aeroportunda Türkiyə liderini Azərbaycan baş nazirinin müavini Yaqub Eyyubov, Azərbaycan xarici işlər nazirinin müavini Ramiz Həsənov və Türkiyənin Bakıdakı səfiri Erkan Özoral qarşılayıblar.
Səfər zamanı Türkiyə dövlət başçısını xanımı Əminə Ərdoğan, xarici işlər naziri Mövlüd Çavuşoğlu, hakim Ədalət və İnkişaf Partiyasının mətbuat katibi Ömər Çelik, partiya sədrinin müavini Mahir Ünal, prezidentin mətbuat katibi İbrahim Kalın və Prezident Administrasiyası yanında Əlaqələr İdarəsinin rəhbəri Fəxrəddin altun müşayiət edirlər.
Türkiyə prezidenti dekabrın 10-da Bakıda təntənəli Qələbə Paradını izləyəcək.
Türkiyə dövlət başçısının səfəri Azərbaycanın Vətən Müharibəsində qələbəsinə həsr olunub.
Səfər çərçivəsində müasir Azərbaycanın reallıqları barədə dünya ictimaiyyətinə daha dolğun məlumat verilməsi üçün birgə addımların müzakirəsi aparılacaq. Danışıqların gündəliyinə regional və beynəlxalq məsələlər də daxil edilib.
“Anadolu” agentliyinin məlumatına görə, iki qardaş ölkə arasında əməkdaşlığın inkişafına töhfə verəcək ikitərəfli sənədlərin imzalanması gözlənilir.0—
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz