Açiq mənbələrdən foto.
Türkiyə və Ermənistan xüsusi nümayəndələrinin üçüncü görüşü Vyanada olacaq
Bakı/14.04.22/Turan: Çərşənbə günü Türkiyənin xarici işlər naziri Mövlut Çavuşoğlu bildirib ki, Türkiyə-Ermənistan münasibətlərinin normallaşdırılması və inamın möhkəmləndirilməsi üzrə konkret addımlar atılacaq.
"Biz Brüssel görüşündə sərhəd komissiyasının yaradılması ilə bağlı Ermənistan və Azərbaycanın nail olduğu razılaşmaya və Azərbaycanın təklif etdiyi hərtərəfli sülh sazişinə böyük önəm veririk", - Çavuşoğlu deyib.
"Cənubi Qafqazda sabitlik üçün hamı ilə münasibətləri normallaşdırmaq və çoxdan pozulmuş münasibətləri bərpa etmək lazımdır. Bu, asan deyil, cəsarətli addımlar lazımdır", - o əlavə edib.
Onun sözlərinə görə, Türkiyə və Ermənistan xüsusi nümayəndələrinin üçüncü görüşü Vyanada keçiriləcək.
"Mən ermənilərə demək istərdim ki, bu, asan proses deyil. ABŞ və Fransadakı diasporun bir hissəsi bu normallaşmanı dəstəkləmir. Bir tərəfdən deyirsiniz ki, bir gün münasibətlər normallaşmalı, sərhədlər açılmalıdır, ikinci tərəfdən də Türkiyədə və Yerevanda görüşməkdən hələ də qorxursunuz.
Türkiyədə görüşməyin nəyi pisdir? Əgər siz Türkiyədə görüşə bilmirsinizsə, digər məsələlərlə bağlı adımları necə atacağıq? Biz hətta demişik ki, Yerevana gedə bilərik, amma bizə dedilər yox, gəlin, üçüncü ölkədə görüşək", - Çavuşoğlu deyib. -02D-
-
- İqtisadiyyat
- 14 Aprel 2022 15:13
-
- İqtisadiyyat
- 14 Aprel 2022 16:11
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz