• contact.az Contact
  • Bakı
  • Sunny26.10 C
  • Şənbə, 27 İyul 2024
    • flag_EN
    • flag_RU

Son yenilənmə

(2 saat əvvəl)
Türkiyədə hökumət əleyhinə yeni etiraz dalğası
A- A A+
EN RU
Turan İnformasiya Agentliyi
Turan İnformasiya Agentliyi

Türkiyədə hökumət əleyhinə yeni etiraz dalğası

Bazar günü gecə Türkiyənin 81 vilayətində, o cümlədən Mersin, Ankara, Adana, İstanbul, İzmir, Diyarbəkir, Erzincan və digər şəhərlərdə etiraz aksiyaları keçirilib. Bu barədə “Azadlıq” radiosu məlumat yayıb.

 
  Türkiyənin müxalifət mətbuatının məlumatına görə, üç milyondan çox adam küçələrə çıxaraq hakim Ədalət Partiyasının istefasını tələb edib. Nümayişçilər şəhər parklarında toplaşıblar. Nümayişçilərin əksəriyyəti yaxasına Türkiyə Cümhuriyyətinin banisi Atatürkün sevimli çiçəyi olan qərənfil taxıb. Şərhçilərin çoxu bu hadisələri rəmzi olaraq “qərənfil inqilabı” adlandırır. Müxalifət bildirir ki, hakimiyyət legitimliyini və xalqın etimadını itirib.
 
  Şənbə günü axşam saat yeddidə İstanbulun Taksim meydanında yenidən nümayişçilər toplaşıb. Polislər suvuran və qazla adamları ətraf küçələrə sıxısdırıblar. Diplomatik nümayəndəliklərin və xarici turistlərin olduğu otellərin yerləşdiyi qonşu İstiqlal küçəsində nümayişçilərlə polis arasında toqquşmalar davam edib. “Halk” telekanalının məlumatına görə, polis qadağan olunmuş “agent orange” kimyəvi preparatını tətbiq edib. Onlarla adam zəhərlənib, saxlananlar var. 
 
  Hurriyet qəzetinin məlumatına görə, 90 nəfər müxalifət fəalının barəsində cinayət işi qaldırılıb. Yeganə müxalifət telekanalı olan “Halk” kanalı baş verənləri birbaşa yayımladığına görə yüz min dollar məbləğində cərimələnib. Telekanal efirdə siqaret  çəkən adamları göstərməkdə ittiham olunur. Belə ki bu ölkə qanunvericiliyi ilə qadağan olunub.
 
  Öz növbəsində baş nazir Rəcəp Tayyib Ərdoğan öz tərəfdarlarını mitinqə toplayır. O bildirib ki, bəzi beynəlxalq maliyyə lobbisi var ki, bu aksiyaları maliyyələşdirir. Məqsəd Türkiyə iqtisadiyyatına zərbə vurmaqdır. O, demokratiyanın boğulması ilə bağlı ittihamları rədd edərək bildirib ki, insanların azadlığı kifayət qədərdir.-02D-

Rəy yaz

Siyasət

Bizi sosial şəbəkələrdə izləyin

Xəbər lenti