![Türkiyədəki əməliyyatların hədəfi nədir?](https://turan.az/resized/750/500/resize/media/2013/main/122100062730.jpg)
Türkiyədəki əməliyyatların hədəfi nədir?
Türkiyədə aparılmış son korrupsiya və rüşvət əməliyyatları çoxsaylı müzakirələrə yol açıb.
Türkiyə Cümhuriyyət Halk Partiyasından keçmiş millət vəkili Şükrü Elekdağ bu əməliyyata “hədəf baş nazir Erdoğan və hökuməti yıxmaqdır” rəyi verib.
Onun fikrincə, əməliyyat olduqca planlı hazırlanıb, arxasında çox güclü strategiya və qüvvətli beyin var, atılacaq addımlar gözəl hesablanıb.
Bu əməliyyatın hökuməti yıxmaq istəməsi məqsədi bəllidir. Əməliyyatda məşhur şəxslərin adının keçməsi siyasi məqsədlidir və AKP iqtidarını yıxmaq məqsədi güdür. Ş.Elekdağ bu əməliyyatda F.Gülenin rəhbəri olduğu “Hizmet Harekatı”nın əli olması məsələsinə də toxunub. Onun fikrincə, “Hizmet Harekatı”nın hakim AKP ilə problemi yoxdur, hərəkat AKP-nin Türkiyəyə xidmət etməsini istəyir.
Onlar eyni dəyər və düşüncəyə malikdirlər. AKP-nin bundan sonra da hakimiyyətdə qalmasını istəyirlər. Amma yenə hədəf Erdoğandır. Belə ki, onun yerinə daha realist bir siyasətçinin gətirilməsini istəyirlər. “Hizmet Harekatı” dövlətin tam təmsilçiliyinin Abdullah Gülün əlində cəmləşməsini istəyirlər.
Bu əməliyyatın ardınca ABŞ Xəzinə Nazirliyinin əməkdaşı David Cohenin Türkiyəyə gəlməsi diqqətlərdən kənarda qalmayıb. Bu şəxs 5 il öncə də yenə eyni mövzunu araşdırırmış. D.Cohen 2009-cu ildə də yenə “Halkbank”la əlaqəli görüşlər üzrə Türkiyəyə gəlib. ABŞ diplomatik sənədlərinə görə, o zaman D.Cohen Türkiyənin maliyyə naziri Mehmet Şimşek başda olmaqla, bir çox iqtisadi vəzifəli şəxslərlə görüşüb. ABŞ diplomatik sənədlərinə görə “Halkbank” təmsilçilərilə görüşdə ABŞ təmsilçisi onları “sorğu-sual”a tutub. “Halkbank”ın İrandakı fəaliyyəti haqda narahatlıq ifadə edilib.
5 il sonra yenə Türkiyəyə gələn D.Cohen “Halkbank”ın İranla qızıl ticarətindəki rolunu əhatə edən əməliyyatlara toxunub. İstanbulda bank rəhbərlərinə İranın nüvə çalışmaları ilə bağlı embarqonun davam etməsini xatırladıb. ABŞ İranın Türkiyə ilə qızıl vasitəsilə ticarət aparmasından narahatlıq ifadə edib.
ABD Konqresi bu ticarətin qarşısının alınmasını istəmişdi, Türkiyənin bu ticarətinin qarşısnın alınmasını istəmişdi. İranın ötən həftələrdə nüvə çalışmalarını dayandırmağı qəbul etməsilə iqtisadiyyat naziri Zafer Çağlayan İranla qızıl ticarətinə yenidən başlayacağını bəyan etmişdi.
Ana müxalifət Cümhuriyyət Halk Partiyasının rəhbəri Kamal Kılıçdaroğlu da iqtidarı kəskin tənqidə məruz qoyub. Erdoğanı dövlət içində təşkilatlanmış cinayətkar dəstə görmək istəyirsə, nazirləri toplayıb, oradakı cinayətkar dəstələri görməyə çağırıb. O, aşkarlanan korrupsiya faktını Türkiyə dövləti tarixi ərzində ən böyük korrupsiya adlandırıb. Əməliyyatı isə xalqın haqqını yeyənlərə qarşı, tükü çıxmamış yetimin haqqını axtarmaq əməliyyatı hesab edib. -05D-
Siyasət
-
Azərbaycanda “Şəhid adının əbədiləşdirilməsi və şəhid ailələrinə edilən güzəştlər haqqında” qanuna hərbi qulluqçulara və müharibə əlillərinə dəstəyin artırılmasına yönəlmiş düzəlişlər qəbul edilib.
-
İyulun 17-də Bakı İnzibati Məhkəməsi hakim Orxan Həsənovun sədrliyi ilə İranda həbsdən qaçıb ağ bayraq qaldıran və 2023-cü il oktyabrın 12-də Azərbaycan Respublikasının dövlət sərhədini keçərək təslim olan İran vətəndaşı, azərbaycanlı siyasi fəal Puya Purhemmətinin Azərbaycan Dövlət Miqrasiya Xidmətinin siyasi sığınacaqla bağlı müraciətindən imtina etməsindən verdiyi şikayəti təmin etməyib.
-
Bu gün Bakıda Qvadelupa Qurtuluş Xalq Birliyi və Bakı Təşəbbüs Qrupu tərəfindən dəstəklənən ilk Fransa Müstəmləkəçiliyinə dair Konqres öz işinə başlayıb. İki günlük tədbirdə Korsika, Melaneziya, Polineziya, Karib hövzəsi ölkələri və Antil adalarından 15-dən çox siyasi partiya və müstəqillik hərəkatının liderləri iştirak edir. Hollandiyanın Bonayre və Sen-Marten müstəmləkələrindən nümayəndələr tədbirdə fəxri qonaq kimi iştirak edirlər.
-
İyulun 18-də Blenheym sarayında (Böyük Britaniya, Oksfordşir) Avropa siyasi birliyinin dördüncü görüşündə qitənin hər yerindən liderlər bir araya gələcək.
Azərbaycanda növbəti devalvasiya gözlənilir? – Natiq Cəfərli Çətin sualda
Xəbər lenti
-
- Cəmiyyət,
- 11:00
- 275
Rəy yaz