Türkiyənin aparıcı qəzetlərindən birinin baş redaktoru hıbs edilib

Cümə günü İstanbul məhkəməsi “Today’s Zaman” qəzetinin baş redaktoru Bülənt Keneşin həbsinə order verib.

Jurnalistin həmkarlarının sözlərinə görə, Keneşə qarşı cinayət işi Twitter-dəki mikrobloqda yayılan məlumatdan sonra qaldırılıb. Belə ki, jurnalist ölkənin siyasi xadimlərini, o cümlədn prezident və baş naziri tənqid edib.

Baş redaktorun barəsində iki cinayət işi qaldırılıb və altı araşdırma aparılır.

Keneş ittihamları rədd edərək bildirib ki, heç kimi təhqir etməyib, qanuni söz azadlığından istifadə edib. İyunda Keneş analoji ittihamla 21 ay şərti olaraq azadlıqdan məhrum edilmişdi. 

Şənbə günü baş redaktor işə mahiyyəti üzrə baxılması üçün məhkəməyə aparılıb.

Qeyd edək ki, iki gün öncə Keneş prokurorun tələbilə həbs edilmişdi, ancaq məhkəmə onu azad edib. Lakin prokuror bu qərardan etiraz edib.

Müşahidəçilərin fikrincə, Türkiyə hökuməti 1 noyabr parlament seçkilərində Ərdoğanın partiyasının qalib gəlməsinə mane olan hər kəsi susdurmağa çalışır. -02D-