Mayın 5-də Türkiyənin ən böyük Həmkarlar ittifaqları Ankara, İstanbul və digər şəhərlərə yüz minlərlə adam çıxararaq nümayişçilərə qarşı həddən artıq güc tətbiqində günahkar olanların cəzalandırılmasını və gözyaşardıcı qazdan istifadəyə son qoyulmasını tələb edəcəklər.
Bununla da Həmkarlar ittifaqları iyun 1-dən küçə nümayişləri keçirən müxalifətlə həmrəylik ifadə etdilər. Gərginlik bir qədər səngisə də ötən gecə küçə etirazları davam edib.
Səhərdən nümayişçilər yenidən Taksim meydanına toplaşıblar.
Çərşənbə axşamı Türkiyənin baş nazirinin müavini Bülənt Arınc etiraz aksiyaları zamanı xəsarət alanlardan üzr istəyib və vətəndaşların çıxışlarını “ədalətli və legitim” adlandırıb. Lakin baş nazir Rəcəb Tayyib Ərdoğan əvvəlkitək aksiyanı “qeyri-demokratik” sayır. Eyni zamanda o vəd edib ki, Şimali Afrika ölkələrinə rəsmi turnesi başa çatdıqdan sonra ölkəyə qayıdıb problemi həll edəcək.
Türkiyə hakimiyyəti beşgünlük etirazlar zamanı dəyən maddi ziyanı 40 mln. dollar həcmində dəyərləndirir. Toqquşmalar zamanı üç mindən çox adam xəsarət alıb, iki nəfər həlak olub.—0—
Siyasət
-
Bakıdakı Rus Evi ətrafında sosial şəbəkələrdə yayılan dezinformasiyalar Rusiya-Azərbaycan münasibətlərinə xələl gətirmək məqsədi daşıyır.
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
-
“Abzas Media” nəşrinin işilə əlaqədar fevralın 11-nə təyin olunmuş növbəti məhkəmə iclası keçirilməyib.
-
Fevralın 11-də prezident İlham Əliyev “Azərbaycan Respublikası hökuməti ilə Rusiya Federasiyası hökuməti arasında “Şimal-Cənub” beynəlxalq nəqliyyat dəhlizi ilə tranzit yük daşımalarının inkişafı məqsədilə əməkdaşlıq haqqında saziş”i təsdiq edib.
Rəy yaz