![© Фото : Министерство обороны Украины](https://turan.az/resized/media/2022/main/030100045519-750-500-resize.webp)
© Фото : Министерство обороны Украины
Ukrayna: 1 mart saat 18.00-a olan operativ məlumat
Kiyev/01.03.22/Turan: USQ Seversk vilayətində işğal olunmuş xətlərdə müdafiə döyüşlərini davam etdirir. Onların vəzifəsi düşmənin Kipti və Nejin yaşayış məntəqələri istiqamətində irəliləməsinə yol verməməkdir, bu barədə Ukrayna Baş Qərargahı məlumat yayıb.
Qüvvələrin bir hissəsi Çerniqovu müdafiə etməyə davam edir, bütün mövcud vasitələrlə düşmənə atəş zərbələri endirir və düşmənin şəhərə soxulmasına imkan vermirlər.
Slobojanşində Ukrayna SQ-nin bölmələri işğal edilmiş xətlərdə müdafiə döyüşlərini davam etdirir, düşməni canlı qüvvə və texnika itkilərinə məruz qoyur, əsirlər götürür.
Primorsk istiqamətində müəyyən zolaqda müdafiə əməliyyatı davam etdirilir.
Kiyev şəhərini müdafiə qrupu döyüşməyə və müəyyən müdafiə rayonlarını əlində saxlamağa davam edir, qüvvələrin bir hissəsi qəfil yaranan vəzifələri yerinə yetirməyə hazırlaşır.
Hücum bölmələri və artilleriya bölmələri paytaxt ətrafında müdafiə həyata keçirir və mövqelərin fortifikasiya avadanlıqlarını təkmilləşdirirlər.
Ərazi müdafiə bölmələri Ukrayna Silahlı Qüvvələrinin şəxsi heyətini gücləndirir və paytaxtın mühüm infrastruktur obyektlərinin mühafizəsi və müdafiəsi vəzifələrini yerinə yetirir. Bu barədə Turan agentliyinə könüllü həkim Ruslan Ağayev bildirib.
RF Müdafiə Nazirliyinin məlumatına görə, LXR qoşun qrupları RF Silahlı Qüvvələrinin atəş dəstəyi ilə əməliyyatın başlanğıcından etibarən 61 kilometrə qədər dərinliyə irəliləyib və Svatovo yaşayış məntəqəsini mühasirəyə alıb. Novoborovoe, Barıkino, Klimovka, Bulqakovka, Qolubovka yaşayış məntəqələri nəzarət altına götürülüb.
Donetsk Xalq Respublikasının qoşunları uğurlu hücum əməliyyatları həyata keçirib, İvanovka, Talakovka, Starodubovka, Berestovoe, Belotserkovka yaşayış məntəqələrini nəzarətləri altına götürüblər. Ötən günlər ərzində qrup 19 kilometr dərinliyə irəliləyib.
DXR-in ön dəstələri Donetsk vilayətinin inzibati sərhədlərinə çatıblar və RF SQ-nin Ukraynanın Azov dənizi sahili boyunca yerləşən rayonları nəzarəti altına götürmüş hərbi hissələri ilə birləşiblər.
Bu gündən etibarən USQ bölmələrinin Azov dənizinə çıxışının tamamilə qarşısı alınıb.
Martın 1-də RF SQ yüksək dəqiqlikli uzaq məsafəli hava və dəniz silahları ilə zərbə endirib. İki aerodrom və üç RƏM radiolokasiya postu məhv edilib. -0-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz