Ukrayna: 28 fevral saat 06:00-a olan operativ məlumat

Kiyev/28.02.22/Turan: Rusiya ordusu hava-hücum əməliyyatı zamanı hərbi və mülki aerodromlara, qoşunları idarəetmə məntəqələrinə, RƏM sistemi obyektlərinə, kritik infrastruktur obyektlərinə, yaşayış məntəqələrinə zərbə endirməyə davam edib, bu barədə Ukrayna Baş Qərargahı məlumat yayıb.

Rusiya ordusu beynəlxalq humanitar hüquq normalarını pozaraq, Jitomir və Çerniqov şəhərlərində yaşayış evlərinə raket zərbəsi endirib.

Bu günə ola məlumata görə, Ukrayna briqadalarının birinin açdığı artilleriya atəşi nəticəsində düşmənin 5-dən çox texnika və canlı qüvvəsi məhv edilib.

Ukrayna Baş Qərargahının məlumatına görə, fevralın 24-dən 28-nə qədər Rusiya ordusu 29 ədəd təyyarə, 29 ədəd helikopter, 191 tank, 816 zirehli döyüş maşını, 74 artilleriya silahlı, 1 BUK ZRK, 21 Qrad, 291 avtomobil texnikası, 60 sistern, 3 OTR PUA, 2 gəmi, 5 RƏM vasitəsi itirib.  

Dnepropetrovsk vilayətinin polisi vətəndaşlar üçün ovçu silahı alınması prosedurunu sadələşdirib. Silah almaq icazələrinə ən qısa müddətdə baxılacaq. Bunun üçün vətəndaş polisə müəyyən edilmiş formalı tibbi arayış, kurs keçdiyi haqqında arayış təqdim etməlidir. Bu barədə Turan agentliyinə könüllü həkim Ruslah Ağayev bildirib.

RF Müdafiə Nazirliyi fevralın 27-də axşam bildirib ki, LXR  qoşunları RF SQ-nin dəstəyi ilə uğurla Ukraynanın daha 4 kilometr dərinliyinə irəliləyib. DXR birləşmələri daha 6 kilometr irəliləyib. Nijni, Qranitnı və Qnutovo yaşayış məntəqələri azad edilib.

RF SQ ümumilikdə Ukrayna hərbi infrastrukturunun 1067 obyektini vurub.

Onlar arasında 27 komanda məntəqəsi, UHQ rabitə mərkəzləri, 38 ədəd C-300, BUK M-1 və Osa zenit-raket sistemi, 56 RLS var.

254 ədəd tank və digər zirehli tank döyüş maşını, 31 təyyarə (yerdə), 46 çoxlu raket qurğusu, 103 sahə artilleriya qurğusu və minaatan, 164 ədəd xüsusi hərbi texnika məhv edilib.

Fevralın 27-də 7 zenit raket sistemi, o cümlədən Kramatorsk şəhəri yaxınlığında bir S-300 məhv edilib. Çerniqovda 3 ədəd Bayraktar TB-2 zərbəçi pilotsuz uçuş aparatı vurulub.

RF MN fevralın 28-nə olan məlumatı yaymayıb. -0-