![Açiq mənbələrdən foto.](https://turan.az/resized/750/500/resize/media/2022/main/031000045971.jpg)
Açiq mənbələrdən foto.
Ukraynadan beş minə yaxın insan Azərbaycana təxliyə edilib
Bakı/10.03.22/Turan: Ukraynada müharibənin başlanğıcından etibarən bu ölkədən beş min Azərbaycan vətəndaşı Azərbaycana təxliyə olunub. Bunun üçün Rumıniyanın Buxarest və Yassa şəhərlərindən və Polşanın Katoviçe şəhərindən 12 çarter reysi təşkil edilib, bu barədə Azərbaycan XİN-in məlumatında deyilir.
Bundan başqa, Azərbaycan vətəndaşlarının qaytarılması üçün avtobus reysləri də təşkil edilib.
Daha sistemli və mütəşəkkil təxliyənin təmin edilməsi üçün XİN, FHN, DİN və Dövlət Miqrasiya Xidmətinin 17 əməkdaşı Moldovaya ezam edilib.
Azərbaycanın Kİşinyovdakı səfirliyi Moldovanın dövlət orqanları ilə müvəqqəti Əlaqələndirmə Mərkəzi yaradıb.
Əlaqələndirmə mərkəzi tərəfindən Ukraynadan sərhədi keçərək Moldovanın müxtəlif yerlərində toplanmış vətəndaşlarımızın siyahıları tərtib olunur, onlarla səfirlikdə və yerlərdə görüşlər keçirilir və ehtiyacları qiymətləndirilir, tibbi və digər yardımların göstərilməsi təmin olunur, vətənə qayıtmaq üçün sənədlər hazırlanır və çatışmayan səyahət sənədləri bərpa olunur, Azərbaycan dövləti tərəfindən göndərilən təxliyə çarter reysləri və avtobuslarla vətənə yola salınması təmin olunur.
Dünyada mövcud olan təcrübəyə uyğun olaraq təxliyə prosesində əsas prioritet uşaq, qadın, ahıl və əlillərə verilir.
Növbəti belə əlaqələndirmə qərargahı Polşada yaradılacaq. Bu məqsədlə martın 9-da qeyd olunan qurumların nümayəndələrindən ibarət heyət Polşanın Varşava və Katoviçe şəhərlərinə ezam olunub. -06B-
-
- İqtisadiyyat
- 10 Mart 2022 12:08
-
- Maliyyə
- 10 Mart 2022 12:41
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz