Leyla Abdullayeva.
Bakı/02.03.22/Turan: Hərbi əməliyyatların başlanğıcından etibarən Ukraynanı 4 minə yaxın azərbaycanlı tərk edib, bu barədə bugünki brifinqdə Azərbaycan XİN-in rəsmi nümayəndəsi Leyla Abdullayeva bildirib.
O qeyd edib ki, Azərbaycan vətəndaşları Moldova, Polşa, Slovakiya, Macarıstan və Rumıniya istiqamətində Ukraynadan çıxa bilirlər.
Abdullayeva həmçinin hərbi əməliyyatların başlanğıcından etibarən Ukraynada 5 Azərbaycan vətəndaşının həlak olduğunu bildirib.
Azərbaycanın Kiyevdəki səfirliyi təhlükəsizliyi üçün təhdid yaranan Azərbaycan vətəndaşlarının təxliyəsi üzərində işləməyə davam edir.
Bundan başqa, Moldova və Polşa səfirliklərinə əlavə diplomatik əməkdaşlar ezam edilib.
Martın 3-nə keçən gecə Ukraynadan qonşu ölkələrə keçmiş Azərbaycan vətəndaşlarının daşınması üzrə 4 çarter reysi həyata keçiriləcək.
Bu təyyarələrlə 170 nəfər Azərbaycana gətiriləcək. -16D-
Siyasət
-
Yanvarın 16-da Azərbaycan və Ermənistan arasında dövlət sərhədinin delimitasiyası üzrə Dövlət Komissiyasının və Ermənistanı ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın 11-ci görüşündə Azərbaycanla Ermənistan arasında sərhədlərin delimitasiyası istiqamətləri müəyyən edilib. Bu barədə Azərbaycanın Ermənistanla sərhədin delimitasiyası və demarkasiyası üzrə Dövlət Komissiyasının məlumatında deyilir.
-
“USAİD-in 2024-cü il 1 iyul tarixindən Azərbaycanda fəaliyyət göstərməsi de-yure mümkün deyil”, - Azərbaycanın xarici işlər naziri Ceyhun Bayramov bugünkü mətbuat konfransında bildirib.
-
Azərbaycan və Gürcüstan hər zaman regionda sülhün və sabitliyin tərəfdarı olublar,- cümə axşamı Gürcüstanın xarici işlər naziri Maka Boçorişvili Azərbaycanın xarici işlər naziri Ceyhun Bayramov ilə birgə keçirdiyi mətbuat konfransında bildirib.
-
Azərbaycan Xalq Cəbhəsi Partiyası Lənkəran şöbəsinin fəalı Ramil Eynəliyev "polisə tabe olmamaq" ittihamı ilə inzibati qaydada 30 sutka həbs edilib.
Rəy yaz