Bu gün ABŞ Beynəlxalq İnkişaf Agentliyinin (USAID) Azərbaycandakı missiyası və ABŞ-Azərbaycan Ticarət Palatası ümumi məqsələrə dair əməkdaşlıq sahəsində anlaşma memorandumu imzalayıblar. İki tərəfdaş birgə işləyərək iqtisadi inkişafı stimullaşdırmağa, habelə ABŞ və Azərbaycan arasında ticarət və kommersiyanı, akademik və mədəni əlaqələri təşviq etməyə çalışacaqlar.
USAID və ABŞ-Azərbaycan Ticarət Palatası bir sıra sahələrdə və bazar sektorunda Amerika və Azərbaycan biznesləri arasında iqtisadi fəaliyyətlərin təşviqi istiqamətində tərəfdaşlıq edəcəklər. Onlar, kənd təsərrüfatı müsəssisələri və fərdi sahibkarları texniki yardım və biznes təlimlər proqramları ilə təmin etməyi, perspektivli Azərbaycan sənaye sahələrinin inkişafı üçün innovativ elmi və bazar əsaslı həlləri təmin edə biləcək dövlət-özəl sektor tərəfdaşlığını həvəsləndirməyi planlaşdırırlar. Eyni zamanda, sazişdə aşağıdakı əməkdaşlıq sahələri nəzərdə tutulub: Azərbaycanda biznesə asan başlanması və onun fəaliyyət göstərməsi, qida təhlükəsizliyi standartlarının təkmilləşdirilməsi, kənd təsərrüfatı və aqrotexniki bacarıqlarının artırılması, gənclər və qadınlar üçün imkanların artırılması.
ABŞ-Azərbaycan Ticarət Palatası və USAID 3-5 aprel tarixlərində Çikaqoda ABŞ-Azərbaycan Ticarət Palatası və İllinoys Ticarət Palatası tərəfindən təşkil olunmuş İllinoys-Azərbaycan Kənd Təsərrüfatı Forumuna dair artıq əməkdaşlıq ediblər. Forum iki ölkə arasında ilk bu cür tədbir olaraq İllinoys ştatından və Azərbaycandan olan mütəxəssisləri, özəl şirkətlərdən olan vəzifəliləri, kənd təsərrüfatı istehsalçılarını, kənd təsərrüfatı və digər hökumət rəsmilərini bir araya toplamışdı.
USAID-in Azərbaycandakı missiyasının məqsədi Azərbaycanla davamlı dostluq münasibətlərini, habelə möhkəm biznes, sərmayə və ticarət tərəfdaşlığını qurmağı davam etməkdir. USAID Azərbaycan hökumətinin iqtisadiyyatı şaxələndirmək, investisiyaları cəlb etmək üçün şəffaf və açıq mühiti yaratmaq, və Azərbaycan xalqının rifahını yüksəltmək səylərini dəstəkləyir.
1995-ci ildə təsis olunduğu dövrdən ABŞ-Azərbaycan Ticarət Palatası uzunmüddətli biznes əlaqələri qurmaq istəyən ABŞ və Azərbaycan sahibkarları və biznesləri üçün mühüm resurs olub. ABŞ-Azərbaycan Ticarət Palatası ticarət missiyaları və konfranslar üçün platforma kimi xidmət edir, habelə hər iki ölkənin yüksək hökumət və biznes liderlərinin tanış ola, ideya mübadiləsi apara və biznes tərəfdaşlıqları qura biləcəyi biznes görüşləri təşkil edir. Məlumatı USAİD yayıb.
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz