Report
Bakı/25.04.19/Turan: ADA Universitetində Avropa İttifaqının Bakı ofisi və Dini Qurumlarla İş üzrə Dövlət Komitəsinin təşkilatçılığı ilə "Dinlərarası dialoq və radikalizmə qarşı mübarizə" mövzusunda konfrans keçirilib.
Konfransda çıxış edən Dövlət Komitəsinin sədri Mübariz Qurbanlı deyib ki, bütün dünyada müxtəlif radikal qruplar terror siyasətini davam etdirirlər və bunun qarşısının alınması bütün bəşəriyyətin vəzifəsidir. O qeyd edib ki, müxtəlif dinlərn və mədəniyyətlərin dinc yanaşı mövcud olduğu ölkələr sırasında Azərbaycanın öz yeri var və multikultural ölkə hesab olunur. O həmçinin Azərbaycan və Aİ arasında əlaqələrə toxunub və deyib ki, tezliklə onlar arasında saziş imzalanması gözlənilir.
Aİ Azərbaycan nümayəndəliyinin rəhbəri Kestutis Yankauskas konfransın, multikulturalizm və tolerantlıq məsələsinin Avropa İttifaqı üçün əhəmiyyətini qeyd edib. O, Azərbaycanla Aİ arasında danışıqlar mövzusuna toxunub və deyib ki, danışıqlar tamamlanma fazasına daxil olub və bu, böyük işin nəticəsidir. Yankauskasın sözlərinə görə, saziş digər məsələlərlə yanaşı təhlükəsizlik və təhsil sahələrini də əhatə edir ki, Aİ bunlara mühüm əhəmiyyət verir. "Yeni tərəfdaşlığın təməli qoyulub və biz gələcəkdə bir-birimizdən çox şey öyrənəcəyik", - Aİ nümayəndəsi bildirib.
Milli Məclisin İctimai birliklər və dini qurumlar komitəsinin sədri Siyavuş Novruzov dini radikalizm probleminin həllində bugünkü konfransın böyük rolunu qeyd edib. Onun sözlərinə görə, Azərbaycanda dinlərarası problem, diskriminasiya yoxdur və onların olmaması ölkə qanunvericiliyilə tənzimlənir. O həmçinin qeyd edib ki, Dağlıq Qarabağda Azərbaycanın dini abidələri Ermənistan tərəfindən dağıdılıb.
Fransa xarici işlər nazirinin dini məsələlər üzrə müşaviri Jan-Kristof Paskal konfederasiyalar arasında dialoqun, həmçinin bu dialoqda dövlətin rolunun vacibliyini qeyd edib.
Digər çıxışçılar dini münasibətlərdə tolerantlıq və multikulturalizm məsələlərinə toxunublar və qeyd ediblər ki, bu planda Azərbaycanda heç bir problem müşahidə edilmir. -0-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz