ABŞ Azərbaycan və Ermənistanı iki ölkə prezidentinin bu ayın sonunda ATƏT-in Minsk Qrupu tərəfindən hazırlanan görüşü ərəfəsində sülh danışıqlarının davam etdirilməsi üçün atmosfer yaratmağa çağırıb.
ABŞ tərəfləri “prezidentlərin görüşündə danışıqlar üçün atmosfer yaratmaq və zorakılığa yol verməmək üçün bütün tədbirləri görməyə çağırır”, - dekabrın 9-da Dövlət Departamentinin nümayəndəsi Con Kirbi brifinqdə bildirib. Turan-ın müxbiri xəbər verib.
“Zorakılığın eskalasiyası və ağır silahların tətbiqi yolverilməzdir. Biz tərəfləri atəşkəs rejiminə ciddi əməl etməyə çağırırıq”, - o vurğulayıb və bu yaxınlarda baş vermiş insidentlər zamanı həlak olanların ailələrinə başsağlığı verib.
“Biz həmçinin tərəflərə xatırladırıq ki, bu hücumlar Azərbaycan və Ermənistan prezidentlərinin Dağlıq Qarabağ münaqişəsinin dinc yolla həllinə sadiq olması ilə uyğun deyil”, - o əlavə edib.
“Vaşinqton Türkiyə və Rusiya arasında gərginliyin artmasından narahatdırmı və bu, Qarabağda gərginliyin eskalasiyasına təsir edəcəkmi” sualının cavabında Kirbi deyib: “Məlumdur ki, biz hər iki halda gərginliyin eskalasiyasını görmək istəmirik və sağlam düşüncəli addımların atılmasını istəyirik”.-25В-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz