Vaşinqton/03.04.19/Turan: NATO ölkələri xarici işlər nazirləri Vaşinqton görüşündə əsas diqqəti Rusiya təhlükəsinə, həmçinin terrorizmə qarşı mübarizəyə və həmin məsələlər üzrə məsuliyyətin bölünməsinə yönəldəcəklər. Bu barədə ABŞ-ın NATO-dakı səfiri Key Beyli Xatçinson çərşənbə axşamı bildirib. Turan-ın Vaşinqton müxbiri məlumat verib.
"Biz aqressiv Rusiyanın qarşısını almaq üçün mümkün olan hər şeyi edəcəyik", - Xatçinson bildirib.
"Bugünkü risk, sözsüz ki, rusların davranışı ilə bağlıdır. Bu yaxınlarda Kerçensk boğazında onların aqressiyasını gördük. Onlar Ukraynanın üç gəmisinə hücum edərək dənizçiləri əsir götürdülər", - o deyib və əlavə edib ki, "onların həmin ukraynalıları saxlaması yolverilməzdir".
Bundan öncə brifinqdə Dövlət Departamentinin yüksək vəzifəli məmuru da işarə etmişdi ki, Moskvanın Ukraynaya və Gürcüstana hərbi intervensiyasından başlamış Britaniyada Skripaliyə hücuma qədər "Rusiya təhlükəsinin bütün elementləri müzakirə olunmalıdır".
Vaşinqton Moskvanın Venesuelanın hakim rejimimi dəstəkləməsindən, həmçinin Türkiyəyə C-400 sisteminin göndərilməsi məsələsində Moskva və Ankaranın yaxınlaşmasından narahat olub.
"Birləşmiş Ştatlar narahatdır ki, Türkiyə Rusiyanın C-400 sistemi ilə yanaşı bizim F-35-i də əldə edəcək. Çünki bu, informasiya sızmasına, onun sanksiyalaşdırılmadan ötürülməsinə, hətta kommunikasiya sisteminin posulmasına gətirib çıxara bilər", - Xatçinson bildirib.
"Türkiyə C-400 sisteminin alınması planından imtina etməsə alyansdan xaric edilə bilərmi?" sualının cavabında Xatçinson deyib: "Biz istəyirik ki, Türkiyə alyansda qalsın. Biz istəyirik ki, onların ölkəsinin mərkəzində NATO sistemi ilə bir araya sığmayan Rusiya raket əleyhinə müdafiə sistemi olmasın".
Öz növbəsində Dövlət Departamentinin yüksək vəzifəli məmuru Rusiyanın C-400 HHM sisteminin alınmaması ilə bağlı Türkiyəyə xəbərdarlığı təkrarlayıb. O bildirib ki, bu addım nəinki Ankaraya F-35 görünməz-qırıcıların göndərişinin qarşısını ala bilər, həm də sanksiyalara səbəb olar.-25B-
Siyasət
-
Bu gün Bayraq Meydanında Azərbaycanın dövlət bayrağı qaldırılıb.
-
"44 günlük Vətən müharibəsi bizim şanlı tariximizdir, parlaq Qələbəmizdir. Biz həm Birinci Qarabağ müharibəsinin, həm İkinci Qarabağ müharibəsinin, eləcə də antiterror əməliyyatının şəhidlərinin qanını döyüş meydanında aldıq, öz ərazi bütövlüyümüzü, suverenliyimizi bərpa etdik". Bu barədə noyabrın 8-də dövlət başçısı İlham Əliyev Bakıda Zəfər Parkının açılış mərasimində bildirib.
-
Azərbaycan Talışları İctimai Şurasının (ATİŞ) üzvü, ehtiyatda olan polkovnik Mikayıl Hacıyev noyabrın 7-də Bakıdan Yekaterinburqa gedə bilməyib. Bu barədə Turan Agentliyinə o özü bildirib.
-
Noyabrın 7-də Bakının Xətai Rayon Məhkəməsində Abzas Media nəşrinin direktoru Ülvi Həsənlinin ev dustaqlığına keçirilməsi haqqında vəsatətə baxılıb. Dinləmələr iş günündən sonra, saat 19.15-də keçirilib, bu barədə vəkil Zibeydə Sadıqova bildirib. Bu, Həsənlinin prosesdə onlayn iştirak etməkdən imtina etməsi və prosesdə iştirak etməkdə israr etməsi səbəbindən baş verib.
Rəy yaz