Vəkil prokurorluq və bankı qanunu pozmaqda ittiham edir
Vəkil Xalid Bağırov Arif Yunusun prokurorluğa çağırılması ilə bağlı ölkə prokurorluğuna vəsatət göndərib.
X.Bağırov vəsatətində A.Yunusun səhhətilə bağlı şahid qismində prokuroluqda ifadə verməsinin mümkün olmadığını vurğulayıb. Ona görə də dindirmənin A.Yunusun müalicə aldığı klinikada aparılmasını təklif edib. Belə ki, A.Yunusun səhhəti uzunmüddətli dindirməyə dözməyə hazır deyil. Bundan əlavə, dindirmə klinikada aparılarsa dindirmə zamanı səhhətində hər hansı problem yarandıqda dərhal həkim müayinəsi ala bilər. Vəkil bunu da qeyd edib ki, istənilən halda dindirmə iki saatdan çox çəkə bilməz.
Bundan əlavə, X.Bağırov prokurorluğa daha bir vəsatət göndərib. Belə ki, Ariv və Leyla Yunus aprelin 28-də Bakı aeroportunda saxlandıqları zaman onların pasportları əllərindən alınıb və indiyə kimi qaytarılmayıb. Hər iki şəxsin ölkədən çıxmaları haqda hər hansı qadağa olmadığı üçün pasportlarının qaytarılmamasını X.Bağırov ciddi qanun pozuntusu kimi dəyərləndirib.
Bundan əlavə vəkil X.Bağırov daha bir vəsatət “Unibank”a göndərib. Belə ki, şəxsi hesabına həbs barədə hər hansı məhkəmə qərarının olmadığına baxmayaraq, bank A.Yunusa bankdakı şəxsi hesabından 8749 avro pul çıxarmasından imtina edib. Vəkil bu özbaşınalıq davam etdiyi halda bankı məhkəməyə verəcəyini nəzərə çatdırıb.
“Bizim hüquqlarımızı pozmağa prokuroluq da, polis də, hətta bank da qarışıb” deyə A.Yunusun xanımı Sülh və Demokratiya İnstitutunun (SDİ) rəhbəri, tanınmış hüquq mnüdafiəçisi Leyla Yunusa duruma münasibət ifadə edib.
Tanınmış hüquq müdafiəçisi Leyla Yunus və həyat yoldaşı Arif Yunus aprelin 28-də Avropaya səfər zamanı Bakı aeroportunda saxlanılıblar. Onların evlərində, çalışdıqları ofisdə axtarışlar aparılıb. Bu gərginliyə davam gətirməyən A.Yunusun qan təzyiqi kəskin şəkildə qalxıb və xəstəxanaya yerləşdirilib, hələ də səhhəti normal deyil. Bununla belə prokurorluq əməkdaşları axtarışı dayandırmayıblar.
Türkiyədən deportasiya edilən və Azərbaycanda dövlətə xəyanətdə ittiham edilərək həbsə alınan tanınmış jurnalist Rauf Mirqədirovla bağlı bu hadisədən sonra istintaq “sürətlənib”, R.Mirqədirovu tanıyan, ona “salam” verən hər kəs istintaqa dəvət edilir.-05B-
-
- Cəmiyyət
- 6 May 2014 12:10
-
- Bazarların icmalı
- 6 May 2014 14:14
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz