Açiq mənbələrdən foto.
Bakı/13.05.23/Turan: Mayın 13-də Azərbaycan Müdafiə Nazirliyinin Beynəlxalq Hərbi Əməkdaşlıq İdarəsində Azərbaycanda akkreditə olunmuş xarici hərbi attaşelər və beynəlxalq təşkilatların nümayəndələri üçün brifinq keçirilib.
İdarənin rəisi Hüseyn Mahmudov "Ermənistan-Azərbaycan sərhədində Zod istiqamətində Ermənistan Silahlı Qüvvələrinin bölmələrinin qəsdən təxribatları haqqında" attaşelərə ətraflı məlumat verib. Mayın 10-dan başlayaraq orada müxtəlif növ atıcı silahlardan Azərbaycanın mövqelərinə intensiv atəş açıblar.
Mayın 11 və 12-də düşmən təxribatların miqyasını genişləndirərək iriçaplı silahlar, minaatanlar, D-30 haubitsalarından istifadə etməyə başlayıb. Ermənistan Silahlı Qüvvələri müxtəlif istiqamətlərdən Azərbaycan ordusunun Kəlbəcərdəki mövqelərinə pilotsuz uçan aparatlardan zərbələr endiriblər.
Xarici nümayəndələrə erməni tərəfinin təxribatlarını əks etdirən videomateriallar təqdim olunub.
Sualları cavablandırdıqdan sonra xarici nümayəndələrə azərbaycanlı hərbçilərin vurduğunu ermənilərə məxsus pilotsuz təyyarələrinin qalıqları göstərilib. 06B
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz