Bakı/27.02.22/Turan: Fevralın 27-də səhər saat 8-də Rusiya qoşunları Ukraynanın ikinci böyük şəhəri Xarkovu ələ keçirmək üçün əməliyyata başlayıb. Zirehli texnikanın kolonnaları, həmçinin piyada və xüsusi təyinatlılar şəhərin mərkəzinə doğru irəliləyib. Ancaq burada onları qumbaraatan və tank əleyhinə sistemlər qarşıladı.
Hadisə yerində olan azərbaycanlı jurnalist Eynulla Fətullayev Turan-a bildirib ki, ukraynalı döyüşçülər yerli əhalidən olan könüllülərin dəstəyi ilə düşmənin texnikasının böyük hissəsini yandıraraq xeyli canlı qüvvəni məhv edib.
Xarkovun tutulması əməliyyatı boğulur. Rus qoşunları dayandırılır və geri çəkilməyə məcbur edilir. Döyüşlərdə sadə vətəndaşlar fəal iştirak edir, onlar düşmənin zirehli texnikasına “Molotov kokteyli” atırlar. -02B-
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz