Ukrayna: 27 fevral saat 06:00-ya olan məlumat

Kiyev/27.02.22/Turan: Rusiya ordusunun əsas taktikası hərəkət etmək və kiçik şəhərləri, kəndləri, avtomobil yollarını ələ keçirməkdir.

Düşmənin əsas məqsədi Kiyev şəhərini mühasirəyə almaqdır, ancaq yerinə yetirilməmiş qalır.

Rusiya qoşunları təxribat- kəşfiyyat qruplarının aktiv tətbiqinə keçir ki, onlar  mülki infrastruktur obyektlərini məhv edirlər və böyük şəhərlərin dinc əhalisini öldürürlər. Təcavüzkar Vasilkovdakı neft bazasına zərbə endirib, Xarkovda qaz kəmərini dağıdıb.

Yerli əhalini qorxutmaq məqsədilə əsasən Qafqaz millətindən olan və rus dilini pis bilər şəxslər tərəfindən komplektləşdirilmiş hərbi hissə və bölmələrdən istifadə olunur, məqsədyönlü şəkildə hədə-qorxu və çaxnaşma mesajları yayırlar.

Sutka ərzində Rusiya qoşunları ballistik və qanadlı raketlərlə Kiyev və digər şəhərləri vurub, Krım MR ÜTT və Belarus Respublikası ərazisindən aviasiyadan istifadə edib.

Şəhərlərin kritik infrastruktur obyektlərinə və qoşunlarımıza zərbə vurmaq üçün Belarusun Mozır rayonunda Rusiya hərbi vertolyotlarının zərbəçi qrupu yaradılıb.

Birləşmiş qüvvələr qruplaşması müdafiə əməliyyatı aparır, ayrılma  xətti boyunca tutulmuş mövqeləri saxlayır. Düşmən heç bir istiqamətdə uğur qazanmayıb. Silahlı təcavüzün üçüncü gününün sonunda işğalçı qüvvələrin itkiləri:

3000-dən çox şəxsi heyət və 200-dən çox əsir (məlumat dəqiqləşdirilir);

16 ədəd təyyarə;

18 ədəd vertolyotlar;

102 ədəd tank;

 540 ədəddən çox müxtəlif növ HZM;

1 ədəd “Buk” ZRK

20 ədəddən çox avtomobil texnikası

Bu barədə Turan agentliyinə könüllü həkim Ruslan Ağayev Ukrayna Baş Qərargahına istinadən məlumat verib.

Rusiya Müdafiə Nazirliyinin məlumatına görə, fevralın 24-dən bu yana Ukraynada ölkənin hərbi infrastrukturuna aid 975 obyekt vurulub.

Qeyd olunur ki, 48 radiolokasiya stansiyası, 23 idarəetmə məntəqəsi və rabitə qovşağı, 31 C-300, "Buk M-1" və "Osa" zenit raket kompleksi və 3 radiolokasiya postu məhv edilib.

Döyüşlər zamanı 11 pilotsuz uçuş aparatı, 8 hərbi təyyarə və 7 vertolyot, həmçinin iki “Toçka-U” taktiki raketi vurulub.

İdarədən bildirilib ki, 223 döyüş zirehli maşın (tanklar da daxil olmaqla), 143 xüsusi hərbi texnika, 39 yaylım atəşli reaktiv sistem, 86 səhra artilleriyası və minaatan,  28 təyyarə (yerdə) məhv edilib.-0—