![xeber44.com saytının redaktoru həbs olunub](https://turan.az/resized/750/500/resize/media/2012/main/091800011609.jpg)
xeber44.com saytının redaktoru həbs olunub
Sentyabrın 10-da Masallı Rayon Məhkəməsinin qərarı ilə bölgədə fəaliyyət göstərən dini “xeber44.com” saytının redaktoru Araz Quliyev həbs olunub. O, Cinayət Məcəlləsinin 221.2.1 maddəsi ilə (bir qrup şəxs tərəfindən xuliqanlıq) təqsirləndirilir. Bu barədə Reportyorların Azadlıq və Təhlükəsizlik İnstitutu A.Quliyevin qardaşına istinadən bildirib. A.Quliyev Masallıda keçirilən beynəlxalq folklor festivalına dindarların etiraz aksiyası zamanı saxlanılıb.
DİN-in məlumatına görə, sentyabrın 8-də Araz Quliyev və Rza Ağalı beynəlxalq folklor festivalı ilə əlaqədar tədbirin pozulmasına cəhd göstəriblər. Nəticədə rayonun iki sakini və polis əməkdaşı xəsarət alıb, bir xidməti avtomobilin şüşələri sındırılıb.
“A.Quliyev jurnalist fəaliyyəti ilə məşğul olub. Etiraz edən dindarlar isə festivala aid tədbirdə diskotekanın, yarıçılpaq rəqqasələrin yığışdırılmasını tələb edib, milli adət-ənənələrə, milli mentalitetə hörmət etməyə çağırıblar. İstər Araz, istərsə də onunla bərabər həbs edilən dindarlar heç bir xuliqanlıq etməyiblər. Dindarlara qarşı polis və onların adamları xuliqanlıq ediblər. A. Quliyev Masallıda hicab qadağasına etirazları, rayonda baş verən neqativ halları işıqlandırdığına görə həbs edilib”, - qardaşı bildirib.
Onun sözlərinə görə, saxlanılanlar Masallı polisində işğəncələrə məruz qalıblar və onların səhhəti pisləşib. Polis iki dəfə təcili tibbi yardım çağırıb.
Hazırda A.Quliyev Kürdəxanı istintaq təcridxanasında saxlanılır və onun vəkili yoxdur.—06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz