Xətai Rayon Məhkəməsi Ələsgər Məmmədliyi azad etməyib
Xətai Rayon Məhkəməsi Ələsgər Məmmədliyi azad etməyib
Martın 28-də Bakının Xətai Rayon Məhkəməsi "Toplum" TV-nin hüquqi təsisçisi Ələsgər Məmmədlinin ev dustaqlığına keçirilməsi haqqında vəsatəti təmin etməyib.
Vəkil Aqil Layıcın Turan-a verdiyi məlumata görə, vəsatət Məmmədlinin səhhətinin pisləşməsi ilə əlaqədar verilib.
"Onun qalxanabənzər vəzindəki şişin həcmi artıb, boğulmalar baş verir. Elə məhkəmə iclasında onun qan təzyiqi 160-a qalxıb.
Məmmədli özü məhkəmədən onun müalicəsi üçün şərait yaratmağı xahiş edib", deyə vəkil bildirib.
Buna baxmayaraq, məhkəmə vəsatəti təmin etməyib.
Müdafiə tərəfi bu qərardan apellyasiya şikayəti vermək niyyətindədir.
* Martın 8-də, Ələsgər Məmmədli saxlanıldığı gün "İstanbul Hospital"ın həkimləri onun qalxanabənzər vəzində 22 mm ölçüsündə şiş aşkar ediblər. Klinikada aşkar edilmiş şişlərin biopsiyası tövsiyə olunub. Lakin istintaq təcridxanası şəraitində bu təhlili aparmaq mümkün deyil, belə ki, Penitensiar Xidmətin xəstəxanasında zəruri avadanlıq yoxdur.
Həbs olunduğu gün Məmmədlinin mənzilində axtarış aparılıb və polis 7300 avro aşkar edildiyini bildirib. Məmmədli bu pulun ona məxsus olduğunu inkar edir.
Martın 9-da Bakının Xətai Rayon Məhkəməsi Ələsgər Məmmədlini dörd ay müddətinə həbs edib, martın 15-də Apellyasiya Məhkəməsi bu qərarı qüvvədə saxlayıb.
Məmmədli qanunsuz yolla Azərbaycana xarici valyuta gətirməkdə ittiham olunur.
-
- Siyasət
- 29 Mart 2024 16:23
Siyasət
-
Cümə günü Bayden administrasiyası Ukraynaya ən böyük hərbi yardım paketinin ayrıldığını elan edib, Turan-ın Vaşinqton müxbiri bildirib.
-
"Meclis.info" platformasının həbsdə olan rəhbəri İmran Əliyevə qarşı yeni ittiham irəli sürüldüyü deyilir.
-
İstintaq təcridxanasında 8 günlük quru aclıq aksiyası Azərbaycan Xalq Cəbhəsi Partiyasının (AXCP) fəalı Elnur Həsənovun sağlamlığı üçün mənfi nəticələrə səbəb olub. O, 17,5 kq arıqlayıb və onun həzm sistemində problemlər yaranıb.
-
Teleqram şəbəkəsində bu günlərdə korrupsiyaya görə həbs olunmuş Rusiya müdafiə nazirinin keçmiş müavini Timur İvanovun daşınmaz əmlakını əks etdirən video yayılıb. Bu, Tver vilayətində Volqanın sahilində bir saraydır. Əmlakın dəyəri təxminən 2 mlrd. rubldur (təxminən 22 mln. dollar). Saray klassisizm üslubunda məşhur Znamenskoe-Raek malikanəsinin eynisidir.
Rəy yaz