Bakı/17.07.18/Turan: Xəzəryanı ölkə başçılarının sammiti avqustun 12-də Aktauda keçiriləcək, bu barədə Qazaxıstan XİN başçısı Kayrat Abdrahmanov bildirib. Nazirin sözlərinə görə, bütün dövlətlər diplomatik kanallarla iştiraklarını təsdiq ediblər.
"Hazırda beş Xəzəryanı dövlətin - Qazaxıstan, Azərbaycan, İran, RF və Türkmənistanın xarici işlər nazirləri avqustun 12-də Aktauda keçirilməsi planlaşdırılan beşinci Xəzər sammitinə hazırlıq üzrə fəal iş aparırlar", deyə Abdrahmanov jurnalistlərə bildirib, xəbəri "RİA Novosti" yayıb.
Sammitdə Xəzər dənizinin hüquqi statusu haqqında Konvensiya imzalanacaq. Beş ölkənin nümayəndələri 20 ildən çoxdur bu sənəd üzərində işləyir.
İyunun 21-də RF hökuməti Xəzərin hüquqi statusu haqqında Konvensiya layihəsini təsdiq edib. Sənədə əsasən, Xəzəryanı dövlətlər bütün "beşliyin" razılığını almadan, yalnız boru kəməri sektorundan keçən ölkələrin razılığı əsasında dənizin dibindən bor kəmərləri çəkə biləcəklər. -06D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz