Xəzəryanı ölkə başçılarının sammiti avqustun 12-də keçiriləcək

Bakı/17.07.18/Turan: Xəzəryanı ölkə başçılarının sammiti avqustun 12-də Aktauda keçiriləcək, bu barədə Qazaxıstan XİN başçısı Kayrat Abdrahmanov bildirib. Nazirin sözlərinə görə, bütün dövlətlər diplomatik kanallarla iştiraklarını təsdiq ediblər.

"Hazırda beş Xəzəryanı dövlətin - Qazaxıstan, Azərbaycan, İran, RF və Türkmənistanın xarici işlər nazirləri avqustun 12-də Aktauda keçirilməsi planlaşdırılan beşinci Xəzər sammitinə hazırlıq üzrə fəal iş aparırlar", deyə Abdrahmanov jurnalistlərə bildirib, xəbəri "RİA Novosti" yayıb.

Sammitdə Xəzər dənizinin hüquqi statusu haqqında Konvensiya imzalanacaq. Beş ölkənin nümayəndələri 20 ildən çoxdur bu sənəd üzərində işləyir.

İyunun 21-də RF hökuməti Xəzərin hüquqi statusu haqqında Konvensiya layihəsini təsdiq edib. Sənədə əsasən, Xəzəryanı dövlətlər bütün "beşliyin" razılığını almadan, yalnız boru kəməri sektorundan keçən ölkələrin razılığı əsasında dənizin dibindən bor kəmərləri çəkə biləcəklər. -06D-

Rəy yaz

Siyasət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti