Хикмет Гаджиев
Bakı/16.06.17/Turan: Azərbaycan Xarici İşlər Nazirliyinin rəsmi nümayəndəsi Hikmət Hacıyev Avropa Parlamentinin Əfqan Muxtarlı ilə bağlı qəbul etdiyi qətnaməni qərəzli adlandırıb və hüquqi qüvvəsinin olmadığını bildirib.
"2017-ci il iyunun 15-də Avropa Parlamenti tərəfindən Əfqan Muxtarlı ilə bağlı qətnamə qəbul edilib. Cəmi 20 dəqiqəyə yaxın davam edən müzakirələr nəticəsində qəbul edilmiş bu qərəzli və uydurma xarakterli sənəd heç bir hüquqi qüvvəyə malik deyil və hər hansı hüquqi və digər nəticə doğurmur", - AzərTAC H.Hacıyevdən sitat gətirib.
O, qətnamənin qəbul edilməsinin təxirə salınması ilə bağlı keçirilmiş səsvermədə səslər arasındakı fərqin az olmasını Avropa Parlamentində Azərbaycanla əlaqələrə əhəmiyyət verən kifayət qədər deputatın olması kimi dəyərləndirib.
Sənədin təxirə salınması təklifinə 272 deputat dəstək verib və 27 nəfər bitərəf qalıb.
Avropa Parlamentinin qətnaməsində Azərbaycanda insan hüquqlarının pozulması kəskin tənqid edilir, Əfqan Muxtarlı və digər fəalların azadlığa buraxılmasına çağırılır.-06D-
Siyasət
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
-
Qazaxıstanın Aktau şəhəri yaxınlığında baş verən təyyarə qəzası nəticəsində xəsarət alan şəxslərdən ümumilikdə 5 nəfərin (1 kişi, 4 qadın cinsli) müalicəsi Yeni Klinikada davam etdirilir.
Rəy yaz