YAP qurultayında yekdilliklə İlham Əliyevin prezidentliyə namizədliyi irəli sürülüb
* * *
2018 Fevral 08 (Cümə axşamı) 17:11:50
Hakim partiya prezidentliyə namizədini irəli sürəcək
Bakı/08.02.18/Turan: Cümə axşamı Bakıda Yeni Azərbaycan Partiyasının VI qurultayı açılıb. Qurultayda hakim partiyanın 11 aprel növbədənkənar prezident seçkilərində prezidentliyə namizədinin - İlham Əliyevin namizədliyinin təsdiqlənməsi gözlənilir.
Son məqama qədər cəmiyyətdə müzakirələr gedirdi ki, hakim partiyanın namizədi dövlət başçısının xanımı Mehriban Əliyeva ola bilər. Bugünkü qurultay bu söz-söhbətlərə son qoymalıdır.
Xatırladaq kki, seçkilər oktyabrın 17-nə təyin edilmişdi. Ancaq gözlənilmədən fevralın 5-də İlham Əliyev növbədənkənar prezident seçkilərinin keçirilməsi barədə fərman imzalayıb. Lakin bunun səbəbləri ilə bağlı açıqlama verilməyib.
Müsavat Partiyasının lideri, həmçinin iki kiçik partiya - Liberal Demokrat, Vətəndaş və İnkişaf partiyalarının sədrləri də seçkilərdə iştirak edəcəklərini bildiriblər.
Azərbaycan Xalq Cəbhəsi Partiyası və Demokratik Qüvvələrin Milli Şurası seçkiləri boykot edir.
Namizədlərin seçkiqabağı təşviqatı martın 19-da başlayacaq.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz