Азиз Имран оглу Азизов
Bakı/02.02.18/Turan: Bu gün prezident İlham Əliyev Əziz İmran oğlu Əzizovun Yasamal Rayon İcra Hakimiyyətinin başçısı təyin edilməsi barədə sərəncam imzalayıb.
54 yaşlı Ə.Əzizov bundan öncə Cəlilabad Rayon İcra Hakimiyyətinin başçısı olub.
Ə.Əzizov əslən Cəbrayıl rayonundandır, Yeni Azərbaycan Partiyasının üzvüdür. Azərbaycan Neft və Kimya İnstitutunu bitirib.
Ə.Əzizov Azel.tv ictimai-siyasi saytının redaktoru Əfqan Sadıqovun həbsinin təşəbbüsçüsüdür. Ə.Sadıqov xuliqanlıq ittihamı ilə 2,5 il müddətinə azadlıqdan məhrum edilib.
Jurnalistə qarşı təxribat rayon başçısının qəbul otağında, Ə.Sadıqov onun kabinetindən çıxarkən baş verib.
Bundan əlavə, rayon başçısı Ə.Sadıqova qarşı xüsusi ittiham qaydasında iddia irəli sürüb. Jurnalisti yeni cəza gözləyir.
Yasamal rayon icra başçısı postu 2017-ci ilin iyulundan vakant qalırdı. Belə ki, İ.Əliyev İbrahim Mehdiyevi keçmiş Sovetski küçəsindəki Hacı Cavad məscidinin qanunsuz sökülməsində ittiham edərək işdən çıxarıb.-06D--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz