Yaşar Cəfərlinin məhkəməsi iyulun 5-nə təyin edilib

“Ehtiyatda və İstefada olan Zabitlər Birlyinin rəhbəri Yaşar Cəfərlinin döyülmə faktı ilə bağlı məhkəmə prosesi iyul ayının 5-nə təyin edilib. Bu haqda Y.Cəfərlinin nümayəndəsi Əvəz Temrixan açıqlama verib.

 
    İndiyə kimi məhkəmə prosesi 3 dəfə təxirə salınıb və buna səbəb təqsirləndirilən şəxsin məhkəmə prosesində iştirakdan yayınmasıdır. Bu günlərdə məhkəməyə gələn təqsirləndirilən Elxan Hüseynov xidməti ezamiyyətdə olduğu üçün əvvəlki proseslərə qatıla bilmədiyini söyləyib. Növbəti məhkəmə prosesində təqsirləndirilən şəxsin iştirakının təmin edilməsi nəzərdə tutulur. 
 
    Y.Cəfərli bu il aprelin 2-də axşam saatlarında evinə dönərkən Müdafiə Nazirliyi hərbi kəşfiyyat orqanlarının bir qrup əməkdaşı tərəfindən hücuma məruz qalıb. Binanın həyətində iki nəfər qəfildən Y.Cəfərliyə hücum edib, əsasən baş nahiyyəsinə zərbələr endirərək ağır xəsarətlər yetiriblər. Hadisə yerindən qaçmaq istədikdə həmin iki nəfərdən biri qonşuların köməyilə saxlanılıb. 
 
    Saxlanılan hərbi kəşfiyyatçı, gizir Elxan Hüseynov Yasamal rayon 29-cu polis bölməsinə təhvil verilib, axtarış zamanı saxlanılan şəxsin üzərindən bıçaq tapılıb. -05D-

Rəy yaz

Siyasət

Bizi sosial şəbəkələrdə izləyin

Xəbər lenti