Martın 28-də bir nəfərin ölümü və bir nəfərin xəsarət alması ilə nəticələnən ağır yol qəzasına görə saxlanılan “Neftçi” futbol klubunun oyunçusu Araz Abdullayev zaminə buraxılıb.
Klubun mətbuat xidmətindən Turana verilən məlumata görə, klub prezidenti Sadıq Sadıqovun Araz Abdullayevin buraxılması üçün zamin durub.
Hazırda isə cinayət işinin istintaqı davam edir. İstintaqın yekunu olaraq qərar çıxarılacaq.
DİN-in saytına istinadən verilən məlumata görə, martın 28-də saat 13.50 radələrində Xətai rayonunun Nobel prospektində Oğuz rayon sakini Araz Abdullayev idarə etdiyi “Nissan-350Z” markalı avtomaşınla yolu keçən Biləsuvar rayon sakinləri Gülsabah Nuriyevanı və Zəminə Hüseynovanı vurub. Nəticədə Z. Hüseynova hadisə yerində ölüb, xəsarət alan G. Nuriyeva isə xəstəxanaya yerləşdirilib.
Faktla bağlı Xətai Rayon Polis İdarəsi tərəfindən araşdırma aparılır.
Qeyd edək ki Müsavat Partiyası Gənclər Təşkilatının sədr müaviniNigar Yaqublu da lümlə nəticələnən avtomobil qəzasında təqsirli bilinərək məhkum olunub. Ötən il dekabrın 19-da Abşeron rayon Məhkəməsi cəzasını məntəqə tipli cəzaçəkmə müəssisəsində çəkməklə onu 2 il 6 ay azadlıqdan məhrum etmişdi. -16D-
Siyasət
-
Noyabrın 15-də bir qrup iqlim fəalı Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) Afrika qitəsində ətraf mühitin çirkləndirilməsi, böyük şirkətlərin ekoloji duruma neqativ təsiri, faydalı qazıntılardan əldə edilən gəlirin bir hissəsinin iqlim fəalkətlərinin bərpasına yönəldilməməsinə etiraz olaraq aksiya keçirib.
-
Noyabrın 15-də iqlim fəalları Bakıda Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) iri ekoloji çirkləndiricilərə qarşı aksiya keçiriblər.
-
Azərbaycan prezidenti İlham Əliyev "Fələstin dövlətinin milli bayramı" münasibətilə Fələstin prezidenti Mahmud Abbasa təbrik məktubu göndərib. Məktubda deyilir: “Fələstin dövlətinin milli bayramı münasibətilə sizə və sizin simanızda bütün xalqınıza öz adımdan və Azərbaycan xalqı adından ən səmimi təbriklərimi və xoş arzularımı çatdırıram.
-
"Qlobal iqlim siyasəti prosesi artıq öz məqsədinə uyğun gəlmir və planetar sabitliyin və bəşəriyyətin layiqli gələcəyini təmin etmək üçün hərtərəfli düzəliş tələb edir". Bu barədə dünya liderlərinin Bakıda COP29-da toplaşdığı vaxtda bir qrup görkəmli alim və siyasətçinin Birləşmiş Millətlər Təşkilatına üzv dövlətlərə və Birləşmiş Millətlər Təşkilatı Çərçivə Konvensiyasının icraçı katibi Simon Ştilə açıq məktubunda deyilir.
Rəy yaz