Ruben Rubinyan
Bakı/01.07.21/Turan: Ermənistan təzyiq altında Azərbaycanla hər hansı sülh müqaviləsi imzalamayacaq, bundan söhbət gedə bilməz. Bu barədə parlamentin xarici məsələlər komissiyasının sədri, Ermənistan xarici işlər naziri vəzifəsinə namizəd Ruben Rubinyan “Sputnik Armenia”ya müsahibəsində bildirib.
Bununla da o, Yerevanı “sərhədlərin pozulmazlığı və ərazi bütövlüyünə hörmət əsasında” münasibətlərin normallaşdırılması prosesinə başlamağa çağıran Azərbaycan xarici işlər naziri Ceyhun Bayramovun dünənki bəyanatına cavab verib.
Rubinyan bildirib ki, Bakı Dağlıq Qarabağın Qarabağ xalqının iradəsinə əsaslanan statusunu qəbul etsə, Ermənistan “Azərbaycanla məmnuniyyətlə sənəd imzalayar”.
O, Yerevanın avtomatik olaraq Azərbaycanın ərazi bütövlüyünü tanıması ssenarisini istisna edib.
Onun fikrincə, regionda Azərbaycanın yeni təcavüzünü qeyri-mümkün edən reallıqlar formalaşıb. Buraya Rusiya sülhməramlılarının Qarabağda iştirakı da aiddir.
Bundan başqa, Minsk Qrupunun şəxsində beynəlxalq ictimaiyyət hesab edir ki, Qarabağın statusu məsələsi açıq qalıb və münaqişə nizamlanmayıb. -02D-
Siyasət
-
Azərbaycan ordusunun Baş Qərargah rəisi Kərim Vəliyev Brüsseldə NATO Hərbi Komitəsi Baş Qərargah rəisləri formatında keçirilən iclasda iştirak edib.
-
“Azel” TV saytının rəhbəri Əfqan Sadıqovun Gürcüstandan Azərbaycana ekstradisiyası Avropa İnsan Hüquqları Məhkəməsinin qərarı ilə bir həftə müddətinə dayandırılıb. Bu barədə Gürcüstan Sosial Ədalət Mərkəzinin rəhbəri, Sadıqovun hüquqi müdafiəsini həyata keçirən Tamta Mikeladze Facebook-da yazıb.
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
Rəy yaz