A.Qriqoryan
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
"Biz sülh tələb etmirik, bütün mövcud problemlərin sülh yolu ilə həllini təklif edirik. Həll olunmamış iki məsələ ilə bağlı təkliflər göndərmişik və Azərbaycan tərəfdən cavab gözləyirik. Ümid edirik ki, həll yollarını tapacağıq", deyə Qriqoryan bildirib, xəbəri Ermənistan KİV-ləri yayıb.
Öz növbəsində, Azərbaycan XİN-in mətbuat xidmətindən Turan-a bildiriblər ki, "sülh sazişinin mətninə dair danışıqlar davam etdirilir".
Xatırladaq ki, bir müddət əvvəl Ermənistanın baş naziri Nikol Paşinyan Yerevanın Bakının iki tələbindən birini - ATƏT-in Minsk Qrupunun buraxılmasını qəbul etdiyini bildirib. Bakı bu bəyanatla bağlı şərh verməyib.
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
-
Yanvarın 23-də Bakının Xətai Rayon Məhkəməsi Meydan TV-nin jurnalisti Aytac Tapdığın ev dustaqlığına köçürülməsi haqqında vəsatəti təmin etməyib. Bu barədə Turan-a vəkil Cavad Cavadov bildirib.
Rəy yaz