Açiq mənbələrdən foto.
Bakı/08.12.22/Turan: Ermənistanla Azərbaycan arasında sülh müqaviləsi üzərində iş davam edir. Bu barədə cümə günü Ermənistan Təhlükəsizlik Şurasının rəhbəri Armen Qriqoryan jurnalistlərlə söhbətində sülh müqaviləsi layihəsilə bağlı Azərbaycan tərəfinin son təklifi barədə sualı cavablandırarkən bildirib.
“Biz mətn üzərində işi davam etdiririk və redaktə etdiyimiz variant tezliklə Azərbaycana veriləcək”, - o deyib. Daha sonra əlavə edib: “Hökumətin timsalında Ermənistan bizim sülh sazişini bağlaya bilməmiz üçün hər cür səy göstərib. İndi, ilin sonunda bunun nəticə verəcəyini söyləmək çətindir, lakin biz işi davam etdirəcəyik, hər şey işin nəticəsindən asılıdır”, - Qriqoryan deyib.
Dağlıq Qarabağa dair suala belə cavab verib: “Vaşinqtonda razılıq əldə olunub ki, Dağlıq Qarabağ və Azərbaycanın ermənilərin hüquq və təhlükəsizliyini müzakirə etməsi üçün beynəlxalq mexanizm yaradılsın. Bunun sülh müqaviləsi çərçivəsində, yoxsa sülh müqaviləsindən kənarda həyata keçiriləcəyi bəlli deyil. Yerevan təhlükəsizlik təminatlarının yaradılmasına, belə mexanizmin yaradılmasına, Dağlıq Qarabağla Azərbaycan arasında hüquq və təhlükəsizlik məsələlərinin müzakirəsinə tərəfdardır”, - Qriqoryan fikrini yekunlaşdırıb. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz