Yerli deputat Armavidə Njdenin adının üstünü boyayıb
Bakı/13.11.19/Turan: Ermənistanın RF-dəki səfirliyi Armavir Şəhər Dumasının deputatı Aleksey Vinoqradovun erməni xadim Qaregin Njdenin xatirə lövhəsinin üzərini qara boya ilə boyaması ilə əlaqədar qəzəbini bildirib.
“Səfirlik Armavirdə baş verən hadisə ilə bağlı dərin qəzəbini bildirir. Armavir Şəhər Dumasının (Krasnodar əyaləti) deputatı Vinoqradovun əməllərini Erməni Apostol Kilsəsi ərazisində vandalizm aktı kimi qiymətləndiririk”, deyə səfirliyin bəyanatında bildirilir.
Səfirlik hesab edir ki, baş verənlər millətlərarası gərginliyə gətirib çıxara bilər.
Lövhə 2012-ci ildə erməni kilsəsi ərazisində quraşdırılıb.
Bir müddət əvvəl əyalət hakimiyyəti və yerli hakimiyyət, habelə “Rusiya Erməniləri İttifaqı”nın yerli şöbəsinin nümayəndələri Njdenin xatirə lövhəsini sökməyə söz veriblər, bu barədə “Krasnaya vesna” yazır.
Amma lövhə sökülməyib, Vinoqradov onu qaraya boyayaraq, “məsələni özü həll edib”.
Hələ 2017-ci ildə Armavir sakinləri hakimiyyət orqanları, hüquq-mühafizə orqanlarına kollektiv bəyanat göndərərək, Qaregin Njde lövhəsini sökməyi tələb ediblər.
Qeyd edək ki, buna qədər Azərbaycan dəfələrlə Ermənistanı faşizm əlbirlərinin qəhrəmanlaşdırılmasında ittiham edib. Qaregin Njde də onlardan biri hesab olunur. -02D-
-
- Cəmiyyət
- 13 Noyabr 2019 17:06
-
- Sosial sahə
- 14 Noyabr 2019 00:42
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz