Yerli sakinə təzyiq göstərməkdə ittiham olunan Marneuli meri istefa verib
Tbilisi/14.02.19/Turan: Marneuli bələdiyyəsinin (Gürcüstanda azərbaycanlı əhalinin yaşadığı region) rəhbəri, hakim Gürcü Arzusu Partiyasının üzvü Teymur Abazov istefa verib.
Gürcüstan İctimai Televiziyasının məlumatına görə, onun səlahiyyətləri 2018-ci ilin iyununda dayandırılıb. Belə ki, yerli sakin Elçin Allahverdiyevi alçaltmaqda ittiham olunub. Sonuncu Facebook-da Abazovun və Gürcü Arzusu Partiyasının rəhbəri Budzina İvanişvilinin həyat yoldaşlarının ünvanına təhqiramiz ifadələr işlədib.
E.Allahverdiyevin alçaldılması barədə video İnternetdə yayıldıqdan sonra Abazovu saxlayıblar. Bu, onu hamının qarşısında üzr istəməyə məcbur edib. İstintaqın məlumatına görə, bundan öncə onu döyüblər, əvvəlcə Vahid Milli Hərəkat Partiyasından Azər Süleymanov, sonra da Marneuli Rayon Şurasının deputatı Ramin Allahverdiyev. Sonra zərərçəkmişi Abazovun yanına aparıblar. O, Allahverdiyevi birbaşa efirə çıxaraq üzr istəməyə məcbur edib.
Ötən ilin dekabrında Rustavi Rayon Məhkəməsi 10 min lari (3,8 min dollar) müqabilində zaminə buraxıb.
"Bu gün mənim vəkillərim Marneuli sakrebulosuna mənim istefa ərizəmlə müraciət ediblər. Ümid edirəm ki, məhkəm obyektiv olacaq və mənə bəraət verəcək", - Abazov İctimai Televiziyaya bildirib.
Onu 5 ildən 10 ilədək həbs cəzası gözləyir.
Allahverdiyev, Quliyev və Süleymanova qarşı "bir qrup şəxs tərəfindən zorakılıq" maddəsilə cinayət işi qaldırılıb. Onları cərimə və ya 180 saatdan 240 saatadək ictimai faydalı əmək, ya da 2 ilədək həbs cəzası gözləyir. -02D-
-
- İqtisadiyyat
- 14 Fevral 2019 16:25
-
- Cəmiyyət
- 14 Fevral 2019 16:52
Siyasət
-
Ötən ilin noyabrından Azərbaycanda müstəqil mətbuatın və vətəndaş cəmiyyətinin sıxışdırılması müşahidə olunur ki, bu da son dərəcə narahat edir və Azərbaycanı illərlə geriyə atır. Bu barədə cümə günü ABŞ-ın Azərbaycandakı səfiri Mark Libbi bir qrup jurnalistə müsahibəsində bildirib.
-
Böyük Britaniyanın 50-dən çox beynəlxalq təşkilatının və aparıcı universitetinin professorları Britaniya hökümətindən doktor Qubad İbadoğlunun işi üzrə səylərini artırmağa çağırırlar.
-
Demokratik Qüvvələrin Milli Şurası mayın 19-da Bakıda siyasi məhbusların azad edilməsi, seçki islahatlarının aparılması, əhalinin sosial vəziyyətinin yaxşılaşdırılması, quru sərhədlərinin açılması tələbilə etiraz aksiyası təyin edib.
-
Bu gün Ali Məhkəmədə Yunis Səfərovun və Gəncə Şəhər İcra Hakimiyyətinin keçmiş başçısı Elmar Vəliyevə və polis əməkdaşlarına sui-qəsd cəhdində ittiham olunan digər şəxslərin kassasiya şikayətlərinə baxılıb.
Rəy yaz