Açiq mənbələrdən foto.
Bakı/08.10.20/Turan: Yunanıstanın Azərbaycandakı səfiri Nikolaos Piperiqkos ölkənin xarici işlər naziri Nikos Dendiasın qərarı ilə məsləhətləşmələr üçün Afinaya çağırılıb. Bu barədə Yunanıstan XİN-i məlumat yayıb.
Yunanıstan XİN-in oktyabrın 7-də yaydığı məlumatda deyilir ki, “Azərbaycan hökumətinin yunan dövlətinin Dağlıq Qarabağ münaqişəsi kontekstində Yunanıstan ərazisindən Azərbaycana qarşı terror aktlarının hazırlanmasına, terrorçu döyüşçülərin cəlb edilməsi cəhdlərinə və kiberhücumlara dözümlülük nümayiş etdirilməsi haqqında tamamilə dəlilsiz və təhqiredici bəyanatlarından sonra” oktyabrın 6-da Azərbaycan səfiri Anar Hüseynov vasitəsilə rəsmi Bakıya etiraz notası göndərilib.
Azərbaycanın Xarici İşlər Nazirliyi oktyabrın 3-də bəyanat yayaraq, Ermənistanı Dağlıq Qarabağda döyüş əməliyyatlarında iştirak üçün başqa dövlətlərdən etnik erməniləri cəlb etməkdə ittiham edib. XİN-in məlumatına görə, minlərlə Suriya, Livan, Rusiya, Gürcüstan, Yunanıstan, Birləşmiş Ərəb Əmirlikləri və digər ölkələrin erməni əsilli vətəndaşları artıq döyüşlərdə iştirak üçün gəliblər və ya gəlməyə hazırlaşırlar.
Dünən Azərbaycan XİN səfirin geri çağırılması ilə bağlı şərh verərkən bildirib ki, Yunanıstan vətəndaşı olan ermənilərin Qarabağa göndərilməsi haqqında məlumatlar açıq mənbələrdən əldə olunub. Yunanıstan tərəfə onların etibarlılığını yoxlamaq təklif olunub. -0-
Siyasət
-
Toplum TV-nin təsisçisi Ələsgər Məmmədli bu gün Xətai Rayon Məhkəməsində pis rəftara məruz qalıb. O, həbs müddətinin uzadılması ilə əlaqədar oraya aparılmışdı. İstintaq Təcridxanasına qaytarıldıqdan sonra qardaşı Nəsimi Məmmədliyə zəng edib və proses başlayana qədər onu qolları qandallı halda məhkəmə binasında bir otaqda saatlarla gözlətdiklərini bildirib.
-
Azərbaycan hökuməti Ukraynanın işğaldan azad edildikdən sonra bərpa olunan İrpen şəhərində 4 layihəni maliyyələşdirəcək. Bu barədə həmin şəhərin meri Oleksandr Markuşin oktyabrın 2-də Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşdən sonra facebook-da yazıb.
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
Rəy yaz