YUNESKO baş direktorunun köməkçisi Yanis Karklins media sahəsində bir qrup azərbaycanlı jurnalist və ekspertin 25 may tarixli müraciətinə cavab verib.
Media nümayəndələri öz müraciətlərində Azərbaycanda mətbuat azadlığının acınacaqlı durumda olduğunu qeyd ediblər və YUNESKO direktorunu ölkədə söz azadlığını və müstəqil jurnalistləri dəstəkləməyə çağırıblar.
“İfadə azadlığının müdafiəsi YUNESKO-nun mandatının əsasını təşkil edir. Biz mədəniyyətin davamlı inkişafını təbliğ edirik, söz azadlığı və mətbuat azadlığı isə bu məqsədlə nail olmaq üçün mühüm komponentlərdir.
Azad, müstəqil və plüralist media demokratiyanın irəliləməsinə, azad informasiyanın təminatına xidmət edir. Bu, YUNESKO-nun nizamnaməsində əksini tapmış fundamental prinsiplərdir və üzv dövlətlər üçün ümumidir”, - cavabda deyilir.
Sonra Y.Karklins bildirir ki, bu mühüm məsələ Azərbaycanın YUNESKO-dakı Daimi nümayəndəliyində müzakirə olunur.
“Biz ölkədə mətbuat azadlığının gələcək vəziyyətini müzakirə etmək üçün onlarla görüşmək istəyirik”, - cavab məktubunda deyilir.-02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz