Bazar ertəsi müdafiə naziri Zakir Həsənov ATƏT-in Minsk qrupunun həmsədrlərini və ATƏT sədrinin şəxsi nümayəndəsi Anjey Kasprşiki qəbul edib.
Baş Qərargah rəisi Nəcməddin Sadıqovun da iştirak etdiyi görüşdə cəbhə xəttində vəziyyət müzakirə olunub.
Nazir həmsədrlərin diqqətini RF-nin Ermənistandakı 102-ci hərbi bazasının komandirinin bu yaxınlardakı ifadələrinə çəkərək, rəsmi səviyyədə izahat tələb edib.
Öz növbəsində, rusiyalı həmsədr İqor Popov polkovnik Ruzinskinin ifadələrinin “anlaşılmazlı” olduğunu istisna etməyib və bu işi araşdırmağı vəd edib.
Öz növbəsində, Zakir Həsənov təsdiq edib ki, Azərbaycan işğal edilmiş əraziləri azad etmək hüququnu özündə saxlayır, deyə Müdafiə Nazirliyinin mətbuat xidməti bildirib.
Xatırladaq ki, oktyabrın 10-da Rusiyanın Ermənistandakı 102-ci hərbi bazasının komandiri Andrey Ruzinski bildirib ki, Azərbaycan Dağlıq Qarabağı öz yurisdiksiyasına qaytarmağa cəhd edərsə, Rusiya qoşunları müharibədə Ermənistanın tərəfində çıxış edəcək, guya KTMT çərçivəsində sazişlər bunu nəzərdə tutur. -02D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz