Zelenski ilə görüşdə Bayden Ukraynaya əlavə hərbi yardım göstərəcəyini açıqlayıb

Vaşinqton/21.05.23/Turan: ABŞ prezidenti Co Bayden bazar günü Xirosimada G7 sammiti çərçivəsində Ukrayna prezidenti Vladimir Zelenski ilə görüşüb.

Turan-ın amerikalı müxbiri xəbər verir ki, ABŞ prezidenti Vaşinqtonun Rusiyanın təcavüzünə qarşı mübarizədə Ukrayna xalqına dəstəyini davam edəсyini təsdiqləyib, Ağ Evin bəyanatında deyilir.

Bayden sursat və avadanlıq şəklində 375 milyon dollarlıq yeni yardım paketini açıqladı.

Beləki G7 liderləri ukraynalı pilotlara F-16 qırıcılarından istifadə üzrə təlim keçmək və Ukraynanın hava hücumundan müdafiəsini gücləndirmək üçün birgə səyləri müzakirə ediblər.

Bundan əlavə, Bayden ABŞ və digər G7 ölkələrinin Ukraynanın enerji infrastrukturunun bərpasında  dəstəyini vurğulayıb.

Pentaqonun məlumatına görə, Ukrayna üçün bugünkü hərbi paketə aşağıdakılar daxildir:

• HIMARS üçün əlavə sursat;

• 155 mm və 105 mm-lik top mərmiləri;

• Optik idarə olunan raketlər (TOW);

• Javelin və AT-4 tank əleyhinə sistemlər;

• Lazer reaktiv sistemlərin sursatları;

• Partlayıcı sursat;

• Zirehli tibbi maşınlar;

• Ağır silahların daşınması üçün yük maşınları və qoşqular;

• Logistika avadanlıqları və sair. -0-

Rəy yaz

Siyasət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti