Açiq mənbələrdən foto.
Zelenskinin Vaşinqtona bugünki səfəri zamanı ABŞ-ın Kiyevə Patriot sistemləri tədarük edəcəyi elan ediləcək
Vaşinqton/21.12.22/Turan: Ağ Evin Təhlükəsizlik Xidmətinin və Konqresin əməkdaşları çərşənbə axşamı Ukrayna prezidenti Vladimir Zelenskinin əlamətdar səfərinə hazırlığa başlayıblar, bu barədə Turan-ın Vaşinqtondakı müxbiri xəbər verib.
Hazırda Rusiya qoşunlarının hədəfində olan Ukraynanın prezidenti bu gün Ağ Evdə prezident Baydenlə görüşəcək, daha sonra Nümayəndələr Palatasında Konqresin birgə iclasında qanunvericilər qarşısında çıxış edəcək, bu barədə jurnalistlərə administrasiyanın yüksək vəzifəli məmuru bildirib.
Bayden Zelenskini "Birləşmiş Ştatların Ukraynaya dəyişməz sədaqətini vurğulamaq" üçün Vaşinqtona səfərə dəvət edib, deyə Ağ Evin mətbuat katibi Karin Jan-Pyer bildirib.
"Üç yüz gün əvvəl Rusiya Ukraynaya qarşı amansız hücuma başlayıb. Buna cavab olaraq prezident Bayden dünyanı öz suverenliyini və ərazi bütövlüyünü qoruyan Ukraynanı dəstəkləməyə çağırıb", deyə Karin Jan-Pyer əlavə edib.
Səfər zamanı Bayden Ukraynaya Rusiya təcavüzündən qorunmaqda kömək etmək üçün ayrılan təhlükəsizlik sahəsində yeni mühüm yardım paketini elan edəcək, deyə Ağ Evin məlumatında bildirilir.
"Səfər ABŞ-ın iqtisadi, humanitar və hərbi yardım daxil olmaqla, Ukraynanı lazım olduğu qədər dəstəkləməyə dəyişməz sədaqətini vurğulayacaq", deyə mətbuat katibi əlavə edib.
Administrasiyadakı çoxsaylı mənbələrin məlumatına görə, Bayden və onun komandası Ukraynaya hava hücumlarının qarşısını almağa kömək etmək üçün PATRIOT RƏM sistemlərinin tədarük ediləcəyini elan etməyi planlaşdırır. 0
Siyasət
-
Mayın 4-də Bakının Əmircan qəsəbəsindək Səttar Bəhlulzadə adına Mədəniyyət Evində Müsavat Partiyasının XI Qurultayı açılıb. Qurultayda 300-dən çox nümayəndə iştirak edib.
-
Bu gün Azərbaycan prezidenti İlham Əliyev Xankəndi Şəhər Prokurorluğunun yaradılması haqqında sərəncam imzalayıb.
-
Konqresmen-demokrat Henri Kuelyar və onun həyat yoldaşı İmeldaya qarşı Azərbaycanın dövlət energetika şirkətindən 600 min dollara yaxın məbləğdə rüşvət almaq ittihamı irəli sürülüb, xəbəri New York Tomes yayıb.
-
İctimai fəal Elgiz Qəhrəman mayın 3-də "Abzas Medianın işi" üzrə şahid qismində dindirilib. Bu barədə jurnalistlərə o özü bildirib.
Rəy yaz