![Zeynəb Xanlarova: Prezident administrasiyasında təxribatçılar əyləşib](https://turan.az/resized/750/500/resize/media/2013/main/050700035423.jpg)
Zeynəb Xanlarova: Prezident administrasiyasında təxribatçılar əyləşib
İllərlə susan parlamentin deputatı və müğənni Zeynəb Xanlarova parlamentin mayın 7-də keçirilən iclasında qeyri-ənənəvi, kreativ düşüncə tərzi nümayiş etdirib.
Heydər Əliyevin xatirəsinin müdafiəçiləri arasında çıxış edən müğənni vaxtilə Əliyevə qarşı çıxanları tənqid etməyə başladı. “Bu insanlar indi prezident administrasiyasında əyləşir”, deyə o bildirib.
Vaxtilə Əliyevin tərəfdarları toplaşıb dəstək bəyanatı yazmaq üçün yer tapa bilmirdi. “Onlardan biri – Sirus Təbrizli Heydər Əliyevin keçmiş silahdaşlarının onu kandara buraxmadıqlarından və ona dəstək müraciətini imzalamaqdan imtina etdiklərindən şikayətlənirdi, indi isə onlar prezident administrasiyasında əyləşir. Əliyevi bu qədər çox sevirsinizsə, onu o zaman sevərdiniz”, deyən Xanlarova məhz kimi nəzərdə tutduğunu dəqiqləşdirməyib.
Təskinlik tapmayan Xanlarova davam edib: “Burada hər şeyi demək istəmirəm, amma orada əsl təxribatçılar var. Onlar suyu bulandırır və hər şeydə müxalifəti ittiham edir”.
Sonda Xanlarova birinci ledi Mehriban Əliyevanı Janna Dark və ledi Diana ilə müqayisə edib. “Mən 7-8 prezident gördüm, onların heç birinin həyat yoldaşı bu qədər insanlar arasında olmurdu”, deyə Xanlarova bildirib.
Janna Darkın cadugar kimi ocaqda yandırıldığını, ledi Diananın isə sevgilisi ilə qəzada həlak olduğunu nəzərə alsaq, müğənninin sözləri birmənalı səslənmədi. -016В-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz